Isaías oĩ vaʼekue dispuésto ojapóvo oimeraẽ mbaʼe Jehová servísiope ha péicha oheja ñandéve ehémplo porã. Haʼe ohechauka vaʼekue ojerovia mbareteha ha pyaʼe voi oho oñemondo haguépe chupe ndoikuaaporãiramo jepe mbaʼépa ojapo vaʼerã (Is 6:8). ¿Ikatúpa nde ha nde rogaygua pejapo kámbio ikatu hag̃uáicha peservi peteĩ lugár oñekotevẽhápe opredika vaʼerãre? (Sl 110:3). Ñapensa porã vaʼerã añete jajapo hag̃ua upéva, péro ñaime vaʼerã avei dispuésto jajapóvo sakrifísio japredika hag̃ua (Lu 14:27, 28; Mt 8:20; Mr 10:28-30). Ohechaukaháicha pe vidéo Rova peteĩ lugár oñekotevẽvehápe opredika vaʼerãre, umi sakrifísio jajapóva ndahaʼeiete mbaʼeve ñakomparáramo umi vendisión jahupytývare jajapóramo upéva.

• ¿Mbaʼe sakrifísiopa ojapo família Williams oho hag̃ua oservi Ecuadórpe?

• ¿Mbaʼe mbaʼépa oreko hikuái enkuénta odesidi hag̃ua moõpa ohóta oservi?

• ¿Mbaʼépa ohupyty hikuái oho haguére oservi ótro ládo?

• ¿Moõpa ikatu jatopa umi informasión oñeʼẽvéva ko témare?

• ¿Mbaʼépa ikatu jajapo jadedikave hag̃ua ñane tiémpo predikasiónpe? (km 8/11 páh. 4-6).

• Ndaikatumoʼãiramo java jaservi hag̃ua ótro lugárpe, ¿mbaʼépa ikatu jajapo ñaipytyvõve hag̃ua kongregasiónpe? (w16.03 páh. 23-25).