JAHECHAUKÁKENA JASERVIHA JEHOVÁPE
Eñembokatupyryvékena: Eipytyvõ umi ipyʼaporãvape oiko hag̃ua chuguikuéra disípulo
MBAʼÉREPA IÑIMPORTÁNTE: Jehová ningo la omongakuaáva pe añetegua umi persóna “oñehaʼãva ohupyty jeikove opaveʼỹva” korasõme (Hch 13:48; 1Co 3:7). Ñande ñaipytyvõ hína Jehovápe ñañehaʼãmbaite jave ñaipytyvõ umi persóna omoĩvape en práktika la oaprendéva (1Co 9:26). Ñane estudiánte ontende vaʼerã ojesalva hag̃ua tekotevẽha ojevautisa (1Pe 3:21). Koʼã persónagui oiko hag̃ua disípulo, ñaipytyvõ vaʼerã chupekuéra okambia hag̃ua tekotevẽhápe, opredika ha omboʼe hag̃ua ótrope, ha oñemeʼẽ hag̃ua Jehovápe (Mt 28:19, 20).
MBAʼÉICHAPA IKATU REJAPO
-
Emomanduʼa ne estudiántepe remboʼeha chupe la Biblia oikuaa hag̃ua Jehovápe ha oĩ porã hag̃ua henondépe (Jn 17:3).
-
Ikatu hag̃uáicha oprogresa, eipytyvõ vaʼerã chupe umi mbaʼe oikotevẽvape, por ehémplo oheja hag̃ua umi mbaʼe noĩporãiva ojapóva hína ha omboyke hag̃ua umi júnta vai.
-
Ñamombarete ha ñamokyreʼỹ vaʼerã chupe ojevautisa mboyve ha avei upe rire (Hch 14:22).
EHECHA PE VIDÉO JEHOVÁ NEPYTYVÕTA, HA UPÉI ERRESPONDE KOʼÃ PORANDU:
-
¿Mbaʼépa ikatu ojoko peteĩ persónape oñemeʼẽ hag̃ua Jehovápe ha ojevautisa?
-
¿Mbaʼéichapa umi ansiáno ikatu oipytyvõ umi estudiántepe oprogresa hag̃ua?
-
¿Mbaʼépa ñanemboʼe Jehovágui Isaías 41:10?
-
¿Mbaʼépa ñanepytyvõta jaservi hag̃ua Jehovápe ñaneimperféktoramo jepe?