MBAʼÉREPA IÑIMPORTÁNTE: umi unhído ha umi ótro ovechakuéra oinvita opaichagua persónape hoʼu hag̃ua “grátis pe y oporomoingovéva” (Apc 22:17). Pe y orrepresenta entéro mbaʼe Jehová ojapo vaʼekue osalva hag̃ua pekádo ha ñemanógui umi persóna iñeʼẽrendúvape. Ikatu hag̃uáicha ñaipytyvõ káda persóna orekóvape kreénsia ha kostúmbre idiferénteva, japredika vaʼerã pe “notísia porã” ogusta hag̃uáicha káda únope (Apc 14:6).

MBAʼÉICHAPA IKATU REJAPO:

• Eiporavo peteĩ téma ha peteĩ téxto opokótava umi hénte nde territoriopegua korasõre. Ikatu reiporavo peteĩ presentasión osẽ vaʼekue pe párte heʼihápe Ñañemongeta hag̃ua la héntendi ha rehechakuaáva ogustaha umi héntepe. ¿Mbaʼe téma ha mbaʼe téxtopa rehechakuaa ogustaha umi héntepe? ¿Mbaʼe notísiarepa oñeʼẽve hína la hénte? ¿Mbaʼe témapa ointeresave kuimbaʼekuérape? ¿Ha kuñanguérape?

• Eñeʼẽta jave la héntendi ereko vaʼerã enkuénta ikostúmbre ha avei mbaʼéichapa ojepokuaa ojosaluda hikuái upe sónape (2Co 6:3, 4).

• Eikuaa porã vaʼerã umi puvlikasión ha vidéo oĩva pe kit de enseñánzape ikatu hag̃uáicha eipuru oĩ jave nerendu porãva.

• Edeskarga vaʼerã umi vidéo ha puvlikasión pe idióma umi hénte oñeʼẽvape nde territóriope.

• Ehechakuaa vaʼerã mbaʼépa tekotevẽ oikuaa káda persóna ha eñeʼẽ chupe upe témare (1Co 9:19-23). Por ehémplo, ¿mbaʼe rehepa reñeʼẽta pe ogajárape reikuaáramo ramoite omano hague chugui peteĩ ohayhúva?

EHECHA PE VIDÉO HA UPÉI ERRESPONDE KOʼÃ PORANDU:

• ¿Mbaʼe téma rehepa oñeʼẽ ñepyrũrã pe ermáno?

• ¿Mbaʼe situasiónpa ohasa hína kuri pe ogajára?

• ¿Mbaʼe téxtopa iporãve olee chupe ha mbaʼérepa?

• ¿Mbaʼéichapa nde eadapta la ne presentasión umi hénte nde territoriopeguáre ikatu hag̃uáicha ogustave chupekuéra?