Ymaite guive oĩ autorida oipytyvõva Ñandejára puévlope heta hendáicha (Esd 6:1-12; Est 8:10-13). Koʼag̃aite peve jahecha mbaʼéicha “pe yvy” térã heta governánte imbaʼeporãva “omokõ pe rrío” térã umi persekusión omboúva “pe dragón”, haʼéva hína Satanás (Apc 12:16). Jehová, pe ‘Ñandejára ñandesalváva’, heta vésema omomýi umi goviérno umánope oipytyvõ hag̃ua ipuévlope (Sl 68:20; Pr 21:1).

Péro oiméramo nde reime hína préso ejerovia haguére Jehováre, ikatu reime segúro haʼe oñangarekoha nderehe (Gé 39:21-23; Sl 105:17-20). Katuete rehupytýta heta mbaʼe porã resegi haguére rejerovia. Ne ehémplo oipytyvõ hína ermanokuérape ko múndo tuichakuére osegi hag̃ua ifiél (Flp 1:12-14; Apc 2:10).

EHECHA PE VIDÉO UMI ERMÁNO COREÁNO OSẼ KÁRSELGUI, UPÉI ERRESPONDE KOʼÃ PORANDU:

• ¿Mbaʼérepa heta áñore Corea del Súrpe ojegueraha umi ermánope kárselpe?

• Oĩ kuri unas kuánta kósa odesidíva pe trivunál ha oipytyvõva ermanokuérape osẽ hag̃ua kárselgui oñekumpli mboyve ikondéna, ¿mbaʼe mbaʼépa la odesidi vaʼekue hikuái?

• ¿Mbaʼéichapa ñande ikatu ñaipytyvõ enterove umi ermáno oĩvape préso ojerovia haguére Jehováre?

• ¿Mbaʼéichapa jaipuru vaʼerã pe liverta jarekóva hína koʼág̃a?

• ¿Mávapepa oñemombaʼeguasu vaʼerã umi trivunál odesidi jave ñande favórpe?