Oñemosẽvo peteĩ persónape kongregasióngui ojeprotehe pe kongregasión ha oñedisiplina pe noñarrepentírivape (1Co 5:6, 11). Jaapoja jave Jehová disiplína jahechauka japorohayhuha. ¿Péro mbaʼérepa jaʼekuaa upeichaha si japytáva ndajavyʼái, koʼýte pe oñemosẽva hentekuéra ha umi ermáno oĩva pe komite hudisiálpe?

Primeroite voi jahechauka jahayhuha Jehovápe pórke ndajaipotái ikyʼa héra porãite ha jaikose haʼe oipotaháicha (1Pe 1:14-16). Avei péicha jahechauka jahayhuha upe oñemosẽ vaʼekuépe. Jaikuaaháicha, pe disiplína ningo “hasyeterei ñandéve” péro ñanepytyvõ ikatu hag̃uáicha “jaiko pyʼaguapýpe ha jajapo iporãva” (Heb 12:5, 6, 11). Jasegíramo jatrata umi persóna oñemosẽ vaʼekuéndi térã orrenunsia vaʼekuéndi, ndajahejamoʼãi Jehovápe okorrehi upe persónape. Ani ñanderesarái Jehová ‘oporokorrehiha oñekotevẽha peve’ (Jer 30:11). Upévare, jaapojákena Jehovápe ha jasegi ñambaʼapo kyreʼỹ iservísiope, ha upe aja ñahaʼarõ upe oñemosẽ vaʼekue ou jey ñande Ru oporoperdonáva ykére (Is 1:16-18; 55:7).

EHECHA PE VIDÉO ÑANEÑEʼẼRENDU JEHOVÁPE ÑANDE PYʼAITE GUIVE, UPÉI ERRESPONDE KOʼÃ PORANDU:

• ¿Mbaʼéichapa oñeñandu tuakuéra ifamília oheja jave Jehovápe?

• ¿Mbaʼéichapa umi ermáno ikatu oipytyvõ pe oñemosẽva hentekuérape?

• ¿Mbaʼe rreláto bíblicopa ohechauka iñimportanteveha ñañemoĩ Jehová ykére?

• ¿Mbaʼéichapa jahechaukáta jahayhuveha Jehovápe ñane famíliagui jepe?