Mateo kapítulo 8 ha 9-pe oñemombeʼu unas kuánta kósa Jesús ojapo vaʼekue opredika aja Galiléape. Haʼe omonguerárõ guare umi héntepe ohechauka vaʼekue orekoha podér, péro iñimportanteveha ohechauka vaʼekue ohayhu ha oiporiahuverekoha la héntepe.
-
Jesús omonguera peteĩ leprósope (Mt 8:1-3).
-
Jesús omonguera peteĩ ofisiál ehersitopegua rembiguáipe (Mt 8:5-13).
Omonguera Pedro suégrape (Mt 8:14, 15).
Oexpulsa umi demóniope ha omonguera umi hénte osufrívape mbaʼasy káusare (Mt 8:16, 17).
-
Jesús oexpulsa umi demónio imbaretetereívape jepe, ha omondo chupekuéra oike hag̃ua una partída kurépe (Mt 8:28-32).
-
Jesús omonguera peteĩ paralítikope (Mt 9:1-8).
Omonguera peteĩ kuña opoko vaʼekuépe ijao ruguáire ha omoingove jey Jairo rajýpe (Mt 9:18-26).
Omonguera umi isiégo ha iñeʼẽngúvape (Mt 9:27-34).
-
Jesús okorre umi siuda ha puévlore ha omonguera opaichagua mbaʼasy (Mt 9:35, 36).
¿Mbaʼe mbaʼépa ikatu ajapove ahechauka hag̃ua ahayhu ha aiporiahuverekoha che rapichápe?
