¿Mbaʼérepa ñandegustaite umi aty guasu tres diagua? Pórke ojejapo haguéicha ymave Israélpe, ikatu avei ñamombaʼeguasu Jehovápe hetaiterei ñane ermanokuérandi. Umícha jave jarresivi hetaiterei aliménto espirituál, ha ikatu jahasa tiémpo ñane amigokuéra ha ñane famíliandi. ¡Ajépa ñamombaʼete koʼã aty guasu! Ndareíri voi ningo jajapo ikatúva guive ani hag̃ua jafalta ni un día.

Ñañembyaty jave nañapensái vaʼerã umi mbaʼe jarresivítavarente, síno avei mbaʼéichapa ikatu jahechauka japorohayhuha (Gál 6:10; Heb 10:24, 25). Jarreserva jave umi asiénto ñaikotevẽvante térã ndajastorvái umi lugár ojeguatahárupi, jahechauka hína ñañeinteresaha ñande rapichakuérare (Flp 2:3, 4). Ñande aty guasuhápe ikatu avei jatopa ñane amígo pyahurã. Upévare oñepyrũ mboyve térã opa rire pe prográma, térã asajekue ikatu ñañemongeta umi ermáno ndajaikuaáivandi (2Co 6:13). Pe amista jajapóva upépe ningo ikatu odura opa árare. Umi ótro ohecha jave mbaʼéichapa jajoayhu ikatu hína odesidi avei oservi Jehovápe (Jn 13:35).

EHECHA PE VIDÉO UMI ASAMBLÉA INTERNASIONÁL “PE MBORAYHU NÚNKA NDOFALLÁI”, HA UPÉI ERRESPONDE KOʼÃ PORANDU:

• ¿Mbaʼépa ojapo umi ermáno pe asambléa internasionál 2019-pe ohechauka hag̃ua oporohayhuha?

• ¿Mbaʼérepa Jehová puévlo iñunído ha ojoayhueterei?

• ¿Mbaʼépa heʼi Kuérpo Governánte pe mborayhu oĩvare?

• ¿Mbaʼéichapa ojehechauka mborayhu Alemania ha Corea del Súrpe?

• ¿Mbaʼépa jajedesidi vaʼerã jajapo?