¿Mbaʼe provlémapa rehasa káda día? ¿Nefamíliapa ha eñehaʼãmbaite hína ekumplipa la ne rresponsavilidakuéra? ¿Ndépa peteĩ sy térã túa remongakuaáva neaño ne famíliape ha ijetuʼueterei ndéve pehupyty hag̃ua umi mbaʼe peikotevẽva? ¿Nemitãpa ha reaguanta vaʼerã eskuéla térã koléhiope oñembohory jave nderehe ne kompañerokuéra? ¿Térãpa nderasykatu o ndeedáma rehóvo ha nembohasa asy upéva? Enterovéva ningo ñaneprovléma. Oĩ voi heta ermáno ohasáva diferénte provléma al mísmo tiémpo. Péro jaikuaa koʼẽrõitéma Jehová osolusionataha entéro umi ñane provlemakuéra (2Co 4:16-18).

Ñahaʼarõ aja og̃uahẽ upe tiémpo ñanemanduʼa meme vaʼerã Jehová ontendeha la jahasáva, ovaloraiterei ohechávo ñaneñeʼẽrendu ha ñaneaguanteha, ha opromete omeʼẽtaha ñandéve heta mbaʼe porã amo gotyove (Jer 29:11, 12). Jesús avei ojepyʼapy ñanderehe. Haʼe oasegura ñandéve ‘oĩtaha ñanendive’ ñakumpli aja umi rresponsavilida jarekóva (Mt 28:20). Javyʼaitéta Ñandejára Rréino poguýpe jaiko vove lívre umi mbaʼe vaígui. Iporã ningo ñañemotiémpo jajepyʼamongeta hag̃ua upe esperánsare, péicha jajeroviavéta ha jasegíta ñaaguanta umi provléma jahasáva koʼág̃a (Ro 8:19-21).

EHECHA PE VIDÉO HIʼAG̃UIMBAITÉMA PE JEHASA ASY GUASU, UPÉVARE JAJESAREKO PORÃKENA CRÍSTORE (UMI MBAʼE PORÃ JAHUPYTÝTAVA), HA UPÉI ERRESPONDE KOʼÃ PORANDU:

• ¿Mbaʼéicha rupípa umi hénte ojaleha Ñandejáragui, ha mbaʼépa oiko upéicha rupi?

• ¿Mbaʼe iporãvapa orresivíta umi iñeʼẽrendúva Jehovápe?

• ¿Mbaʼéicha rupípa jarresivíta umi vendisión porãite?

• ¿Mbaʼépa la rehechasevéva oñekumpli pe múndo pyahúpe?