¿Mbaʼérepa iporã remombeʼu nde tuakuérape la repensáva? (Pr 23:26). Pórke Jehová omeʼẽ chupekuéra pe rresponsavilida oñangarekóvo nderehe ha ndegiávo (Sl 127:3, 4). Péro neremombeʼúirõ nde tuakuérape la ndepyʼapýva ha la ndegustáva, haʼekuéra ndaikatumoʼãi nepytyvõ. Avei ndaikatumoʼãi reaprende la iñexperiénsiagui. Upéicharõ, ¿remombeʼu vaʼerã piko entéro mbaʼe? Ndahaʼéi la peichaite, péro reñatende vaʼerã ani remokañy peteĩ mbaʼe reikuaáva ivaiha (Pr 3:32).

¿Mbaʼéicha javépa ikatu reñemongeta nde tuakuérandi? Reaprovechakuaa peteĩ moménto nde reĩháme trankílo porã ha haʼekuéra avei. Oimérõ upéva ijetuʼu ikatu avei reskrivi chupekuéra peteĩ kárta remombeʼuhápe la repensáva. ¿Ha mbaʼépa oikóta haʼekuéra oñeʼẽséramo peteĩ mbaʼe nde nereñeʼẽséivare? Nemanduʼákena nde tuakuéra nepytyvõseha. Ani repensa haʼekuéra oĩha ne kóntrape. Reñehaʼãramo reñemongeta nde tuakuérandi oho porãta ndéve koʼág̃a ha opa árare (Pr 4:10-12).

EHECHA PE VIDÉO MITÃRUSUKUÉRA REMBIASAKUE: ¿MBAʼÉICHAPA IKATU AÑEʼẼ CHE TUAKUÉRANDI?, HA UPÉI ERRESPONDE KOʼÃ PORANDU:

• ¿Mbaʼépa kon el tiémpo ohechakuaa ijehe Esther ha Partik?

• ¿Mbaʼépa ikatu reaprende Jesús ehémplogui?

• ¿Mbaʼéichapa nde tuakuéra ohechaukáma ojepyʼapyha nderehe?

• ¿Mbaʼe téxtopa ikatu nepytyvõ reñemongeta porã hag̃ua nde tuakuérandi?