¿Mbaʼérepa rejepreparáma vaʼerã? Enterovévante ikatu jareko peteĩ emerhénsia médika térã derrepentete jaju ñanderasy. Upévare iporãta koʼág̃ama rejepreparáramo ha reaprovecha umi ajúda jarekóva. Péicha rehechaukáta rerrespetaha nde rekove ha avei Jehová léi oñeʼẽva pe tuguýre (Hch 15:28, 29).

¿Mbaʼéichapa ikatu rejeprepara?

• Primeroite voi eñemboʼe ha ejepyʼamongeta porã vaʼerã ko témare, ha upéi emyenyhẽ pe tarhéta DPA. a Umi ojevautisámava ikatu ojerure ko tarhéta pe siérvo de puvlikasiónpe, ha tuakuéra ikatu ojerure pe Tarjeta de identidad (ic) ifamília menór de edápe g̃uarã.

• Peteĩ ermána hyeguasúramo ikatu ojerure umi ansiánope pe dokuménto Información para mujeres embarazadas (S-401). Upéva oipytyvõta chupe odesidi porã hag̃ua oikóramo g̃uarã algún provléma hyeguasu aja térã imembykuévo.

• Tekotevẽramo eñeinterna, ejapoka algún estúdio o siruhía ha ekalkula ojepurutaha tuguy, upéicharõ reavisa vaʼerã umi ansiánope.

¿Mbaʼéichapa ikatu oipytyvõ umi ansiáno? Umi ansiáno ikatu nepytyvõ rekompleta hag̃ua nde DPA. Péro haʼekuéra ndodesidimoʼãi nde vése ni ndeʼimoʼãi la opensáva umi mbaʼe káda uno odesidi vaʼerãre (Ro 14:12; Gál 6:5). Reavisa rire umi ansiánope ikatuha hína neprovléma pe tuguýre, haʼekuéra ensegída oñekomunikáta pe Comité de Enlace con los Hospitales ndive (CEH).

¿Mbaʼéichapa ikatu oipytyvõ pe Comité de Enlace? Koʼã ermánope oñembokatupyry oñeʼẽ hag̃ua umi doktorkuéra ha avogadokuérandi, ikatu hag̃uáicha oexplika chupekuéra la ñapensáva pe tuguýre. Haʼekuéra ikatu omensiona umi doktórpe umi tratamiénto natekotevẽihápe oñemoĩ ndéve tuguy. Koʼã ermáno ikatu avei nepytyvõ retopa hag̃ua peteĩ doktór ikatúva oñatende nderehe ha orrespetáva ne desisión.

EHECHA PE VIDÉO MBAʼÉICHAPA IKATU EDESIDI PORÃ OÑEMOĨSÉRAMO NDÉVE TUGUY, HA UPÉI EKONTESTA KO PORANDU:

• ¿Mbaʼe mbaʼépa nepytyvõta rejeprepara hag̃ua oikóramo g̃uarã peteĩ emerhénsia médika?

  Your answer