Koʼã ára pahápe enterovévante jahasa heta situasión ijetuʼuetereíva. Sapyʼánte ñapensase voi nañameʼẽveimaha. Péro jajeruréramo Jehovápe ñanepytyvõ hag̃ua, ikatúta ñaaguanta oimehaichagua provléma, umi ijetuʼuetereíva jepe (Is 43:2, 4). Oiméramo jahasa hína koʼag̃aite peichagua situasión, ¿mbaʼépa ñanepytyvõta ñañemoag̃uive hag̃ua Jehováre?

Ñañemboʼe. Ñamombeʼupaitéramo Jehovápe la jahasáva, haʼe ñanembopyʼaguapýta ha ñanemombaretéta ñaaguanta hag̃ua (Flp 4:6, 7; 1Te 5:17).

Ani jafalta rreunionhápe. Koʼág̃arupi koʼýte tekotevẽ ñañomokyreʼỹ ermanokuérandi rreunionhápe ha jarresivi umi informasión bíblica (Heb 10:24, 25). Oiméramo jajeprepara porã káda rreunionrã, jaha meme ha ñakomenta, upéicharõ jaʼekuaa jaaprovechapaiteha pe ajúda omeʼẽva Ñandejára espíritu (Apc 2:29).

Japredika. Ñañehaʼãmbaitéramo japredika meme, ifasilvéta ñandéve ñañekonsentra hag̃ua umi mbaʼe iporãvare. Avei ñanemanduʼa vaʼerã ñande haʼeha hína Jehová ajudánte, ha amáske japredika ñañemoag̃uive hese ha ñane ermanokuérare (1Co 3:5-10).

EHECHA PE VIDÉO JEHOVÁ NDOPOIMOʼÃI NDEHEGUI, HA UPÉI ERRESPONDE KOʼÃ PORANDU:

• ¿Mbaʼépa oipytyvõ raʼe Malúpe oñemoag̃uive hag̃ua Jehováre ohasárõ guare heta mbaʼe ijetuʼúva?

  Your answer

• ¿Mbaʼéichapa okonsola Malúpe ha ñandéve avei la heʼíva Salmo 34:18?

  Your answer

• Jehová ikatu omeʼẽ ñandéve “pe podér umi ótra hénte ndorekóiva”, ¿mbaʼéichapa Malu experiénsia ohechauka siertoha upéva? (2Co 4:7).

  Your answer