Purahéi 147 ha ñemboʼe | Ojeʼétava oñepyrũ hag̃ua pe rreunión (1 min.)
1. ¿Mbaʼérepa ikatu jajerovia jaikotaha pára siémpre?
(10 min.)
Jehová voi oikove pára siémpre (Job 36:26; w15 1/10 13 párr. 1, 2).
Jehová iñarandueterei ha oreko pe podér omeʼẽ hag̃ua la vída enterovépe (Job 36:27, 28; w20.05 22 párr. 6).
Jehová voi ñanemboʼe mbaʼépa jajapo vaʼerã jaiko hag̃ua pára siémpre (Job 36:4, 22; Jn 17:3).
Jagueroviáramo ñande pyʼaite guive ikatutaha jaiko pára siémpre, ñanepytyvõta ñaaguanta hag̃ua umi situasión ijetuʼuetereíva (Heb 6:19; w22.10 28 párr. 16).
2. Óro kuʼi oĩva la Bíbliape
(10 min.)
-
Job 36:26. ¿Mbaʼérepa ndajajepyʼapýi vaʼerã oimérõ nañantendéi Jehová siémpre oexisti hague ha siémpre oexistitaha? (w22.12 3 párr. 4).
-
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Job 36:1-21 (th leksión 2).
4. Ñañepyrũ hag̃ua ñañemongeta
(3 min.) PREDIKASIÓN PÚVLIKA. (lmd leksión 3 púnto 3).
5. Jajapo rrevisíta
(4 min.) JAPREDIKA OGAHÁRUPI. (lmd leksión 2 púnto 5).
6. Eexplika umi mbaʼe egueroviáva
(5 min.) Diskúrso. ijwfq-S 57 párr. 5-15. Téma: ¿Mbaʼérepa ojepersegi vaʼekue avei umi testígo de Jehovápe pe Holocausto tiémpope? (th leksión 18).
Purahéi 49
7. Ejepreparákena tekotevẽtarõ esegi peteĩ tratamiénto térã ejopera
(15 min.) Eanalisa ermanokuérandi. Ko párte ojapóta peteĩ ansiáno.
Jehová organisasión omeʼẽ ñandéve hetaiterei mbaʼe ñanepytyvõva ñaneñeʼẽrendu hag̃ua Ñandejárape ha nañamoĩkái tuguy (Hch 15:28, 29). ¿Ndépa reaprovecha porã hína umíva?
DPA ha Tarjeta de identidad (ic): Koʼãva omyesakã porã mbaʼépa opensa pe pasiénte pe tuguýre. Umi puvlikadór vautisádo ikatu ojerure pe DPA pe siérvo de puvlikasiónpe ha avei ikatu ojerure chupe pe Tarjeta de identidad oimérõ oreko ifamília menór de eda. Koʼã dokuménto siémpre jareko vaʼerã ñandejehe. Oimérõ tekotevẽ ejapoka hína la nde dokumentorã térã tekotevẽ eaktualisa, aníke ehaʼarõiterei ejapo hag̃ua upéva.
Informasión umi hyeguasúvape g̃uarã (S-401) ha Informasión umi ojoperátava térã ojapokátavape g̃uarã kimioterápia (S-407): Koʼã informasión ñanepytyvõta jajeprepara porã hag̃ua, péicha saʼive posivilida oĩta ojehúvo ñandéve álgo ha ndajaikemoʼãi peteĩ situasión ijetuʼúvape oipotatahápe hikuái ñamoĩka tuguy. Ejerure ne ansianokuérape tomeʼẽ ndéve koʼã informasión asegún la nde eikotevẽtava, por ehémplo, oimérõ nemembýta, ejoperáta térã esegíta peteĩ tratamiénto kánserpe g̃uarã.
Komite de Enláse (CEH): Umi ansiáno oĩva pe Komite de Enlásepe orresivíma heta kapasitasión ikatu hag̃uáicha omeʼẽ informasión pe tuguy rehegua umi doktórpe ha avei ermanokuérape. Haʼekuéra ikatu oñeʼẽ nde doktórndi ha omombeʼúta chupe mbaʼe tratamiéntopa ikatu ojapo ndéve hikuái ani hag̃ua omoĩ ndéve tuguy. Tekotevẽramo haʼekuéra ikatu avei nepytyvõ etopa hag̃ua peteĩ doktór orrespetátava umi mbaʼe edesidíva. Koʼã ermáno oĩ ñanepytyvõ hag̃uáicha las 24 óra, 7 día a la semána. Pyaʼe eñekomunika vaʼerã pe Komite de Enlásendi, por ehémplo tekotevẽtarõ epyta peteĩ ospitálpe, ejopera térã esegíta peteĩ tratamiénto kánserpe g̃uarã. Eavisa vaʼerã chupekuéra haʼetéramo jepe la natekotevẽmoʼãiva oñemoĩ ndéve tuguy. Umi hyeguasúva ojapo vaʼerã avei péicha. Eikotevẽtarõ la nepytyvõ vaʼerã, ejerurekuaa umi ansiánope tomeʼẽ ndéve la kontákto eñekomunika hag̃ua umi oĩvandi pe Komite de Enlásepe.
Ehechauka pe VIDÉO ¿Mbaʼéichapa ombaʼapo umi Komite de Enláse? Upéi eporandu:
¿Mbaʼéichapa pe Komite de Enláse ikatu nepytyvõ tekotevẽtarõ esegi peteĩ tratamiénto térã ejopera?
8. Estúdio bíblico kongregasionpegua
(30 min.) bt kap. 4 párr. 9-12 ha rrekuádro oĩva páh. 38-pe.
