Ko áñope, el 27 de febrero guive ñainvitáta la héntepe oho hag̃ua Konmemorasionhápe. Jajapókena opa ikatúva ñainvita hag̃ua enterovetépe ñande territóriope ogueromanduʼa hag̃ua ñanendive Jesús omano hague ára. Jahecha vaʼerã mbaʼépa ikatu jajapo jasegi hag̃ua ñaipytyvõ umi hénte ñanerendu porãvape.

IKATU ERE

“Aju ningo roinvita reho hag̃ua peteĩ rreunión iñimportantetereívape. Ág̃a el 23 de marzo, oparupiete ko múndope, hetaiterei hénte oñembyatýta ogueromanduʼa hag̃ua Jesucristo omano hague ára. Ojejapóta peteĩ diskúrso omyesakãtava mbaʼéichapa ñanepytyvõ Jesús sakrifísio. Ko invitasiónpe retopáta moõ ha mbaʼe órapa ojejapóta. Rovyʼaitereíta ningo la rehóramo”.

Pe persóna oñatende porãramo nderehe:

• EIKUAVEʼẼ CHUPE RREVÍSTA ÑEMAÑAHA

  Embohape eho jey hag̃ua evisita chupe.

• EHECHAUKA PE VIDÉO KONMEMORASIÓN REHEGUA

  Embohape eho jey hag̃ua evisita chupe.

Eho jey vove evisita chupe:

• EHECHAUKA PE VIDÉO ¿MBAʼÉREPA RESTUDIA VAʼERÃ LA BIBLIA?

  Upéi eikuaveʼẽ chupe peteĩ puvlikasión jaipurúva jajapo hag̃ua estúdio.

• EIKUAVEʼẼ PE LÍVRO MBAʼÉPA AÑETEHÁPE OMBOʼE LA BIBLIA?

  Eipuru pe informasión oĩva páhina 206 al 208-pe eexplika hag̃ua chupe mbaʼérepa jajapo pe Konmemorasión ha mbaʼépa osignifika. Upéi eikuaveʼẽ chupe pe lívro.

• EIKUAVEʼẼ PE FOLLÉTO EHENDÚKENA ÑANDEJÁRAPE

  Eipuru pe informasión oĩva páhina 18 ha 19-pe eexplika hag̃ua chupe mbaʼérepa tekotevẽ vaʼekue Jesús omano ñanderehehápe. Upéi eikuaveʼẽ chupe pe folléto.