Jesús heʼi vaʼekue: “Reínte oñemeʼẽ kuri peẽme, ha reínte pemeʼẽ vaʼerã avei” (Mt 10:8). Ñande jajapo upéicha, upévare ndajakovrái umi héntepe umi puvlikasiónre ni ñamboʼe haguére chupekuéra la Biblia (2Co 2:17). Umi puvlikasiónpe ningo oĩ umi informasión oñeguenohẽva la Bíbliagui ha upévare ivaliosoiterei. Avei umi puvlikasión oñeimprimi ha oñemondo vaʼerã oparupiete umi kongregasiónpe ko yvy tuichakuére ha upearã heta oñembaʼapo ha heta avei ojegasta. Upévare iporãta jaraháramo umi puvlikasión jaipurútavante.

Japredika jave ogahárupi térã pe karríto reheve, ñameʼẽ vaʼerã ñane puvlikasión umi persóna oñeinteresávapente (Mt 7:6). Ñameʼẽnte rangue ñane puvlikasión entéro umi ohasávape, ñañehaʼã vaʼerã ñañemongeta hendivekuéra jahechakuaa hag̃ua ointeresápa chupekuéra pe predikasión. Upearã ikatu ñarresponde umi pregúnta oĩva pe rrekuádrope. Nañaiméiramo segúro peteĩ persónapepa ointeresa pe predikasión, ikatúnte ñameʼẽ chupe peteĩ tratádo. Péro nañanegái vaʼerã umi rrevísta térã ótra puvlikasión umi persóna ojerurévagui ñandéve (Pr 3:27, 28).