JAHECHAUKÁKENA JASERVIHA JEHOVÁPE
Jasegi ñahaʼarõ meme ha ñaaguanta
¿Mboy tiémporemapa ñahaʼarõ hína ou Ñandejára Rréino? ¿Jasegípa ñanepasiénsia, ñahaʼarõ meme ha ñaaguanta ijetuʼúramo jepe? (Ro 8:25). Heta kristiáno ohasa asy pórke oĩ ndochaʼéiva hesekuéra, omaltrata térã omondóva chupekuéra kárselpe, ha oĩ voi oñeamenasáva ojejukataha. Heta oĩ avei osufríva oreko rupi umi mbaʼasy naipohãiva térã ijeda haguére.
¿Mbaʼépa ñanepytyvõta jasegi hag̃ua ñahaʼarõ meme ha ñaaguanta toiko la oikóva? Ñamombarete vaʼerã ñande jerovia jalee ha jajepyʼamongetávo la Bíbliare káda día ha ñapensa memévo pe esperánsa jarekóvare (2Co 4:16-18; Heb 12:2). Tekotevẽ avei jajerure Jehovápe tañanemombarete ijespíritu sánto rupive (Lu 11:10, 13; Heb 5:7). Ñande Ru ñanderayhuetéva ñanepytyvõta jasegi hag̃ua ñanepasiénsia ha ñaaguanta vyʼápe (Col 1:11).
EHECHA PE VIDÉO JADIPARA MEME HA JASEGI ÑAAGUANTA: ÑAKONFIA ÑAGANATAHA PE PRÉMIO, HA UPÉI ERRESPONDE KOʼÃ PORANDU:
-
¿Mbaʼépa ikatu oiko ñanderehe ñahaʼarõʼỹve jave? (Ec 9:11).
-
¿Mbaʼéichapa pe ñemboʼe ñanepytyvõ jagueropuʼaka hag̃ua umíva?
-
Oiméramo ndaikatuvéi jajapo heta mbaʼe Jehovápe g̃uarã ymave guaréicha, ¿mbaʼérepa ñapensa meme vaʼerã umi mbaʼe si ikatúvare jajapo?
-
Epensa meme pe prémiore.
¿Mbaʼépa nepytyvõ ndéve resegi hag̃ua rekonfia reganataha pe prémio?
