JAHECHAUKÁKENA JASERVIHA JEHOVÁPE
Eñembokatupyryvékena: Eheja umi estudiánte ndoprogresáivape
MBAʼÉREPA IÑIMPORTÁNTE: Umi persóna ojesalvaséva ohenói vaʼerã Jehová réra (Ro 10:13, 14). Péro umi estudiánte apytépe oĩ umi ndoikoséiva Jehová oipotaháicha. Jaipuru porã hag̃ua ñane tiémpo, ñaipytyvõ vaʼerã umi oñehaʼãvape okambia oipotágui Jehová oguerohory chupekuéra. Upévare jahechakuaáramo peteĩ persóna ndoprogresaiha ñambostudiáramo jepe chupe peteĩ tiémporema, iporãvéta jahejáramo pe estúdio ha ñaipytyvõ umi Jehová omoag̃uívape ijehe ha iñorganisasiónre (Jn 6:44). Péro ohasávo pe tiémpo ha pe persóna okambiáramo ha ohechauka ‘oñehaʼãha ohupyty jeikove opaveʼỹva’, vyʼápe ñambostudia jeýta chupe (Hch 13:48).
MBAʼÉICHAPA IKATU REJAPO:
-
Efelisita ne estudiántepe oaprendese haguére umi mbaʼe omboʼéva la Biblia (1Ti 2:4).
-
Emomanduʼa chupe iñimportantetereiha ojapo umi mbaʼe oaprendéva ohóvo (Lu 6:46-49).
-
Pyʼaguapýpe porã eanalisa hendive pe ehémplo oñeʼẽva pe chokokuére ha emokyreʼỹ chupe opensa hag̃ua mbaʼépa ojoko hína chupe oprogresa hag̃ua (Mt 13:18-23).
-
Ere chupe mbaʼérepa nderesegimoʼãi restudia hendive la Biblia, péro ejapo upéva emoñeñanduvaiʼỹ hag̃uáicha chupe.
-
Ere chupe rehenói térã revisitataha chupe káda tánto, ha haʼe oipota vove ikatuha ostudia jey la Biblia, ojapóma guive la oaprendéva.
EHECHA PE VIDÉO HA UPÉI ERRESPONDE KOʼÃ PORANDU:
-
¿Mbaʼéichapa umi mbaʼe heʼívare pe estudiánte ojekuaa ndoprogresaiha?
-
¿Mbaʼéichapa pe ermáno oipytyvõ pe estudiántepe ontende hag̃ua tekotevẽha okambia?
-
¿Mbaʼéichapa pe ermáno heʼi pe estudiántepe ikatuha ostudia jey amo gotyove?