Septiémbrepe ñañehaʼãmbaitéta jaofrese kúrso bíblico jaipurúvo pe folléto ¡Jaikóta vyʼápe pára siémpre! Upe méspe ikatúta jajapo pe prekursorádo auxiliár de 30 óra. ¿Mbaʼéichapa jajapóta ko kampáña espesiál?

• Primera konversasiónpe. Jaipurukuaa pe folléto kupe umi hénte oñepyrũ hag̃ua oñeinteresa la Bíbliare ha ñañehaʼã jahechauka mbaʼéichapa jajapo peteĩ kúrso bíblico. Ani ñanderesarái umi rrevisítagui ha umi persóna yma oñeinteresa vaʼekuégui. Oiméramo jepe ndostudiaséi kuri anteve, ikatu ogusta chupekuéra ñande folléto pyahu ha jastudia lája koʼág̃a la héntendi. Ani jahejánte pe folléto umi óga ndaiporihápe avave ha ani ñamondo por kárta oimérõ ndajaikuaái ointeresápa hína pe persónape. Pe Komite de Servísio de la Kongregasión ikatu oorganisa ojepredika hag̃ua hetave día upe méspe.

• Ótro hendáicha. Oimérõ pene kongregasión opredika karríto reheve, oñemoĩta upépe pe folléto ¡Jaikóta vyʼápe pára siémpre! Peteĩ persóna oipotáramo pe folléto, jaexplika chupe ikatuha avei ostudia la Biblia gratiete. Upepete voi jahechauka chupe mbykymi mbaʼéichapa jastudia, térã ñaplanea arakaʼépa ikatu jahechauka chupe sapyʼaite. Pe superintendénte de servísio ikatu oasigna unos kuánto puvlikadór ikatupyrývape oho hag̃ua umi negosiohárupi oofrese umi kúrso bíblico. Ha ñanemanduʼákena ikatuha jaofrese pe kúrso japredikávo jaikohárupi, por ehémplo ñane kompañéro de koléhio, de traváhope ha umícha.

Jesús omanda vaʼekue ñaipytyvõ hag̃ua umi héntepe ‘oiko hag̃ua chuguikuéra idisípulo’ ha ‘ñamboʼe hag̃ua chupekuéra’ (Mt 28:19, 20). Hiʼãite ningo ñandéve ko kampáña espesiál, jaipurutahápe pe folléto ¡Jaikóta vyʼápe pára siémpre!, tañanepytyvõ ñakumpli porã hag̃ua pe traváho.