Jehová oipota umi família ovyʼa (Sl 127:3-5; Ec 9:9; 11:9). Péro sapyʼánte ikatu ijetuʼu upéva, pórke hetaiterei oĩ la provléma opárupi térã ikatu ñande rogaygua voi la ñandestresapáva. ¿Mbaʼépa ikatu jajapo káda uno javyʼave hag̃ua ñane famíliandi?

Ména omombaʼeterei hembirekópe (1Pe 3:7). Ndojopýi hendive. Siémpre ohechauka oagradeseha chupe umi mbaʼe ojapóvare hesehápe ha ifamília rehehápe (Col 3:15). Ohasa tiémpo hendive. Heʼi voi hembirekópe ohayhu ha oguerohoryha chupe (Pr 31:28, 31).

Tembireko oapoja iménape ha oheka voi la oportunida ojapo hag̃ua upéva (Pr 31:12). Oñemoĩ iména poguýpe ha ombaʼapo hikuái oñondive (Col 3:18). Oñeʼẽ trankílo porãnte iménape ha siémpre oñeʼẽ porã hese (Pr 31:26).

Tuakuéra omboyke tiémpo ifamíliape g̃uarã (Dt 6:6, 7). Heʼi ifamíliape ohayhuha chupe (Mt 3:17). Okorrehi jave chupe ndojahéiri hese, síno oreko enkuénta la Jehová heʼíva (Ef 6:4).

Mitãnguéra omombaʼe ha iñeʼẽrendu ituakuérape (Pr 23:22). Omombeʼu chupekuéra la opensáva ha oñandúva. Oasepta porãnte ituakuéra okorrehi jave chupekuéra ha siémpre ohechauka orrespetaha chupekuéra (Pr 19:20).

EHECHA PE VIDÉO JAVYʼÁKENA ÑANE FAMÍLIAPE, HA UPÉI ERRESPONDE KO PORANDU:

¿Mbaʼépa ojapo káda uno pe famíliape ovyʼa hag̃ua?