Ñamoĩ jave peteĩ méta ha ñañehaʼãmbaite jahupyty, ñanepytyvõ jaservi porãve hag̃ua Jehovápe ha ñambovyʼa hag̃ua chupe. Ovale la péna jaipuru ñane tiémpo ha ñane mbaretekue jahupyty hag̃ua umíva, pórke ñanepytyvõ ñañakãrapuʼã hag̃ua Jehová servísiope (1Ti 4:15). Iporãta jahecháramo mbaʼetekópa oho hese ñane méta ñamoĩma vaʼekue. ¿Mbaʼérepa? Pórke ikatu hína okambia ñane situasión. Por ehémplo, ikatu jahechakuaa upe méta jareko vaʼekue ijetuʼuetereitaha jahupyty hag̃ua, ha mehorvénte ñakambia. Térã ikatu avei oiméne jahupytýma raʼe pe méta jareko vaʼekue, ha jarekokuaa jeýma ótro.

Iporãta ñañemoĩramo umi méta oñepyrũre peteĩ áño de servísio pyahu. Ikatu por ehémplo ñaanalisa upéva pe estúdio de famíliape, ha jahecha mbaʼe métapa ikatu ñamoĩ káda uno ha avei kómo família.

Ehechamína koʼã mbaʼe oñemensionáva ha epensa mbaʼe métapa espesífikamente ikatu emoĩ ha avei mbaʼépa rejapóta rehupyty hag̃ua umíva.