29 de julio al 4 de agosto
SALMO 69
Purahéi 13 ha ñemboʼe | Ojeʼétava oñepyrũ hag̃ua pe rreunión (1 min.)
1. Mbaʼe mbaʼépa ojeprofetisa Salmo 69-pe oikotaha Jesús rehe
(10 min.)
Umi hénte reiete ndaijaʼéi vaʼekue Jesúsre (Sl 69:4; Jn 15:24, 25; w11 15/8 11 párr. 17).
Jesús ohayhueterei Jehová róga, haʼe oipota vaʼekue chupe añoiténte ojeadora (Sl 69:9; Jn 2:13-17; w10 15/12 8 párr. 7, 8).
Jesús oñekevranta ha osufrietereíma, ha umi iñenemígo omeʼẽse chupe víno oñembojeheʼáva plánta venenósare (Sl 69:20, 21; Mt 27:34; Lu 22:44; Jn 19:34; g95-S 22/10 31 párr. 4; it-2-S 669).
EJEPYʼAMONGETAMÍNA: “¿Mbaʼérepa Jehová oskrivika raʼe pe Escrituras Hebréaspe umi profesía oñeʼẽva pe Mesíasre?”.
2. Óro kuʼi oĩva la Bíbliape
(10 min.)
-
Sl 69:30, 31. ¿Mbaʼéichapa koʼág̃arupi ikatu ñamombaʼeguasu Jehovápe? (w11 15/2 16 párr. 16, 17).
-
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Sl 69:1-25 (th leksión 2).
4. Nepasiénsia vaʼerã: ¿Mbaʼépa ojapo vaʼekue Jesús?
(7 min.) Eanalisa ermanokuérandi. Ehechauka pe VIDÉO, ha upéi eanalisa ermanokuérandi pe folléto Pe oporohayhúva leksión 8 púnto 1 ha 2.
5. Nepasiénsia vaʼerã: Jasegíkena Jesús ehémplo
(8 min.) Eanalisa ermanokuérandi pe folléto Pe oporohayhúva leksión 8 púnto 3-5 ha “Ehecha avei”.
Purahéi 134
6. Umi mbaʼe ideprovéchotava kongregasiónpe
(5 min.)
7. Ejapókena igústo hag̃uáicha nde estúdio de família
(10 min.) Eanalisa ermanokuérandi.
Enero de 2009 guive, pe Estúdio bíblico kongregasionpegua ojejapo el mísmo día ojejapo haguépe pe Eskuéla Jaipurukuaa Hag̃ua la Biblia ha pe Aty Ñanemboʼéva Japredika Hag̃ua. Upéva omeʼẽ la oportunida umi famíliape ostudia hag̃ua oñondivepa una ves a la semána. Heta oĩ omombaʼe ha oagradeséva kuri ko arréglo, pórke oipytyvõ chupekuéra oñemoag̃uive hag̃ua ojuehe ha Jehováre avei (Dt 6:6, 7).
Oiméramo nde remoakã peteĩ família, ¿mbaʼe mbaʼépa ereko vaʼerã enkuénta igústo hag̃ua la pende estúdio?
-
Pejapókena káda semána. Ikatúramo, pemboykékena peteĩ día ha óra pestudia hag̃ua káda semána. Ha oiméramo oiko álgo napehaʼarõiva upe díape, perekómakena ótro día ikatutahápe pejapo.
-
Ejeprepara porã. Eporandu ne rembirekópe mbaʼépa ikatu pestudia, ha ikatu avei reporandu jepi ne familiakuérape. Natekotevẽi reipuru hetaiterei tiémpo rejeprepara hag̃ua, oiméramo ne famíliape ogustáma voi la pejapo lája jepi káda semána pende estúdio.
-
Pestudia umi mbaʼe oikotevẽva ne família. Ne familiakuéra okakuaávo ohóvo okambia umi mbaʼe oikotevẽva ha umi mbaʼe ojapokuaáva. Upévare la pestudiáva oipytyvõ vaʼerã káda únope oñemoag̃uive hag̃ua Jehováre.
-
Pestudia jave peñehaʼã toĩ pyʼaguapy ha mborayhu. Ikatu voi pesẽ pestudia okápe pe tiémpo iporãramo. Ha tekotevẽramo pepytuʼuʼimi jepi avei. Iporãramo jepe peñemongeta umi provléma ombohováivare ne família, ndovaléi eaprovecha pe estúdio ejaʼo térã ekorrehi hag̃ua chupekuéra.
-
Pekambia jepi umi mbaʼe pejapóva pende estúdiope. Por ehémplo ikatu pejeprepara rreunionrã, térã pehecha ha peanalisa oñondive peteĩ vidéo oĩva jw.org-pe. Ikatu avei peñensaja predikasionrã. La iñimportantevéva hína pestudia oñondive peteĩ téma bíblico, péro avei ikatu peaprovecha káda uno ojapo hag̃ua ijestúdio personál.
Eporandu:
-
¿Mbaʼéichapa peẽ peñehaʼã hína pesegi koʼã konsého pejapo hag̃ua pende estúdio de família?
8. Estúdio bíblico kongregasionpegua
(30 min.) bt kap. 13 párr. 8-16, ha rrekuádro oĩva páh. 119-pe.
