JAHECHAUKÁKENA JASERVIHA JEHOVÁPE
Eñembokatupyryvékena: eipuru umi vidéo emboʼe hag̃ua umi héntepe
MBAʼÉREPA IÑIMPORTÁNTE:
Yma Jehová oipuru vaʼekue umi visión oipytyvõ hag̃ua isiervokuérape ontende porã hag̃ua pe omboʼeséva chupekuéra (Hch 10:9-16; Apc 1:1).
Jaikuaaháicha umi mbaʼe jahecha ha ñahendúva opytave ñandéve ñane akãme. Upévare umi vidéo ikatu hína opokove umi hénte korasõre ha oipytyvõ chupekuéra imanduʼa porã hag̃ua umi mbaʼe oaprendévare.Oĩ vidéo ikatúva oipytyvõ umi héntepe ontende porãve hag̃ua pe leksión 2 ha 3 oĩva folléto Notísia porãme, por ehémplo pe vidéo ¿Mbaʼéichapa héra Ñandejára?, ¿Mávaguipa ou la Biblia? ha ¿Mbaʼérepa ikatu jajerovia la Bíbliare? Oĩ avei vidéo omokyreʼỹtava la héntepe ostudia hag̃ua la Biblia ha oho hag̃ua rreunionhápe, por ehémplo pe vidéo ¿Mbaʼérepa restudia vaʼerã la Biblia?, ¿Mbaʼéichapa rojapo peteĩ estúdio vívliko? ha ¿Mbaʼéichapa rojapo ore rreunionkuéra? Oĩ avei umi vidéo ipukuvéva ikatúva jahechauka chupekuéra pe estúdio aja (km 5/13 3).
MBAʼÉICHAPA IKATU REJAPO:
-
Emboguejy umi vidéo rehechaukaséva umi héntepe.
-
Eprepara peteĩ térã mokõi pregúnta ikatúva rejapo umi héntepe ha oñerrespondéva pe vidéope.
-
Pehecha oñondive pe vidéo.
-
Peñemongeta umi mbaʼe peaprendévare pe vidéogui.
TARÉA:
-
Epredika jave, ehechauka umi héntepe pe kódigo QR oĩva umi tratádo apére ha emombeʼu chupekuéra oeskaneáramo upe kódigo ikatutaha ohecha pe vidéo ¿Mbaʼérepa restudia vaʼerã la Biblia?
-
Ehechauka pe ogajárape pe vidéo ¿Mbaʼérepa ikatu jajerovia la Bíbliare? Upéi eikuaveʼẽ chupe pe folléto Notísia porã ha eñeʼẽʼimi pe leksión 3 rehe.
