Umi túa oservíva Jehovápe ningo oipota ifamília ojerovia Jehováre ha oservi chupe ipyʼaite guive. Upearã iñimportánte michĩete guive omboʼe ifamíliape umi mbaʼe oĩva la Bíbliape (Dt 6:7; Pr 22:6). Añetehápe heta ojesakrifika vaʼerã hikuái upearã, péro nombyasymoʼãi ojapóramo upéicha (3Jn 4).

Tuakuéra ikatu oaprende heta mbaʼe José ha Maríagui. Haʼekuéra ojepokuaámi “oho káda áño Jerusalénpe Páskua areterã”, hiʼarive heta ombaʼapo, ogasta ha ojesakrifika vaʼerã hikuái oho hag̃ua upépe (Lu 2:41). Jahechakuaa José ha María oñehaʼãmbaite hague ifamiliakuéra espiritualidáre. Upéicha avei tuakuéra koʼag̃agua ikatu oipytyvõ ifamíliape oho hag̃ua tape porãre oaprovechávo opa oportunida omboʼe hag̃ua chupekuéra umi mbaʼe heʼi ha ojapóva rupive (Sl 127:3-5).

EHECHA PE VIDÉO OAPROVECHA HIKUÁI OPAICHAGUA OPORTUNIDA, HA UPÉI ERRESPONDE KOʼÃ PORANDU:

• ¿Mbaʼéichapa Jon ha Sharon Schiller omongakuaakuévo ifamíliape ohechauka omotenondeha Ñandejára Rréino?

• ¿Mbaʼérepa tuakuéra okorrehi vaʼerã káda ifamíliape oikotevẽháicha?

• ¿Mbaʼéichapa tuakuéra ikatu oipytyvõ ifamíliape ombohovái porã hag̃ua umi mbaʼe ikatúva omokangy chuguikuéra ijerovia?

• ¿Mbaʼe erramiénta omeʼẽva Jehová organisasiónpa nde eipuru eipytyvõ hag̃ua ne famíliape oñemoag̃uive hag̃ua Jehováre?