JAHECHAUKÁKENA JASERVIHA JEHOVÁPE

Aníkena eheja nemoñuhã umi rred sosiál

REPRODUCIR EN

MBAʼÉREPA IÑIMPORTANTE: Umi rred sosiál ningo ikatu ideprovécho péro ikatu avei hína tuicha ñandeperhudika. Upévare oĩ ermáno ndoipurúiva umíva, péro oĩ avei oipurúva umi rred sosiál oñekomunika hag̃ua ihénte térã iñamigokuérandi. Satanás ningo oipota jaipuru vai umi rred sosiál, jajapóramo upéicha ikatu hína oñeñeʼẽ vai ñanderehe térã ñañemomombyry Jehovágui. Jesús ojapo haguéicha ñande avei ikatu jareko enkuénta umi konsého oĩva la Bíbliape, jahechakuaa hag̃ua moõpa oĩ umi pelígro ha jajehekýi umívagui (Lu 4:4, 8, 12).

ANÍKENA JAʼA KOʼÃ ÑUHÃME:

Jaipurueterei umi rred sosiál: Jaipurúramo heta óra ñamaña hag̃ua umi rred sosiál rehe, ikatu hína nahembyvéi ñandéve tiémpo jajapo hag̃ua umi mbaʼe ñanemoag̃uítava Jehováre.

Konsého oĩva la Bíbliape: (Ef 5:15, 16; Flp 1:10).
Jahecha umi mbaʼe noĩporãiva: Jaikóramo ñamaña umi taʼanga ikatúvare ñanemoakãraku, ikatu hína upe rire jahechaséma avei pornografía térã jaju ñanderekovai. Avei jaleéramo umi mbaʼe ohupíva umi apóstata ikatu hína ñanemomombyry Jehovágui.

Konsého oĩva la Bíbliape: (Mt 5:28; Flp 4:8).
Jahupi térã ñakomenta umi mbaʼe naiporãiva: Ñane korasõ ningo itraisionéro, upévare ikatu oĩ ohupíva fóto térã okomentáva umi mbaʼe noĩporãiva umi rred sosiálpe, ha umi mbaʼére ikatu oñeñeʼẽ vai hese térã ou ikangy chugui ijerovia.

Konsého oĩva la Bíbliape: (Ro 14:13; Ef 4:29).