JAHECHAUKÁKENA JASERVIHA JEHOVÁPE
Jaguatákena hekoitépe Cristo pyporére
Jesús oheja ñandéve peteĩ ehémplo iporãitereíva jasegi hag̃ua, koʼýte jahasa jave umi situasión ijetuʼúva (1Pe 2:21-23). Jesúspe ojaʼo vaipárõ guare umi hénte, haʼe ndojeréi ojaʼo vaipa chupekuéra, ni ohasa asýramo jepe (Mr 15:29-32). ¿Mbaʼépa oipytyvõ raʼe chupe oaguanta hag̃ua? Haʼe oĩ vaʼekue desidído ojapotaha Jehová volunta (Jn 6:38). Avei oaguanta vaʼekue “oñemoĩgui henondépe peteĩ mbaʼe ombovyʼaitereítava chupe” ha haʼe ojesareko meme upéva rehe (Heb 12:2).
¿Mbaʼépa jajapo jepi oĩ jave ñanemaltratáva jajerovia haguére Jehováre? Ñande kristiáno tee nañamyengoviái vaʼerã “ivaíva ivaívape” (Ro 12:14, 17). Ñaaguantáramo umi mbaʼe ijetuʼúva Jesús ojapo haguéicha, javyʼáta jaikuaágui Ñandejára ñandeguerohoryha (Mt 5:10-12; 1Pe 4:12-14).
EHECHA PE VIDÉO JEHOVÁ RÉRA HAʼE PE IÑIMPORTANTEVÉVA, HA UPÉI ERRESPONDE KOʼÃ PORANDU:
-
¿Mbaʼéichapa ermána Pötzinger oaprovecha itiémpo oĩ aja haʼeñomi kárselpe?
-
¿Mbaʼe mbaʼépa oaguanta raʼe ermáno ha ermána Pötzinger umi kámpo de konsentrasiónpe?
-
¿Mbaʼépa oipytyvõ chupekuéra oaguanta hag̃ua?