Enero 2018 guive ñane prográma rreuniónpe g̃uarã apére osẽ pe párte hérava “Ñañemongeta hag̃ua la héntendi”. ¿Mbaʼéicha ikatu jaipuru ko párte?

Ereko jave párte rreunionhápe: Reipuru vaʼerã pe porandu, pe téxto ha pe porandu ótro ehóvape g̃uarã. Péro upéva ndeʼiséi ere vaʼerãha la mísma kosaite ojeʼéva umi vidéope. Por ehémplo ikatu jajapo ñande párte japredikávo diferénte situasiónpe, jaipurukuaa ótra introduksión, jaexplika diferenteʼimi pe téma ha umícha. Ikatu avei jaofrese peteĩ puvlikasión oĩva pe kit de enseñánzape, ndojeʼéiramo jepe umi instruksiónpe.

Epredika jave: Umi presentasión oĩ omeʼẽ hag̃ua ñandéve peteĩ idéa mbaʼéichapa ikatu japredika. Pe persóna ohechaukárõ oikuaaseveha ikatu rekontinua repredika chupe, por ehémplo ikatu reipuru pe primera rrevisítape heʼíva. Ikatu rekambiaʼimi pe presentasión térã reipuru voi peteĩ idiferentetéva. Eñeporandumi: ¿Oikovétapa che territóriope peteĩ presentasión ótro mespeguare térã ótro téxto bíblico? ¿Oñeʼẽsevépa la hénte peteĩ notísia osẽ vaʼekuére téra álgo oikóvare upe lugárpe? Ikatu jaipuru pe párte “Ñañemongeta hag̃ua la héntendi” opyta porãveháicha ñandéve. Ha ani ñanderesarái jajapoha ‘entéro mbaʼe umi notísia porã rehehápe, ikatu hag̃uáicha japredika ñande rapichakuérape’ (1Co 9:22, 23).