Pe folléto Ehendúkena Ñandejárape ojeprepara voi ñamboʼe hag̃ua umi divúho rupive umi hénte ndolekuaaguasúivape. Umi divúho ñanepytyvõ ñamboʼe hag̃ua heta mbaʼe iñimportánteva oĩva la Bíbliape. Káda leksión ojagarra dos páhina ha oreko heta divúho. Ojejapo hag̃ua umi divúho oñepensa porã kuri mbaʼépa oipytyvõ porãvéta la héntepe ha umíva oñemoĩ voi ojepilla hag̃uáicha mbaʼe órdenpepa oñeanalisa vaʼerã.

Pe folléto Ehendúkena Ñandejárape ha reikovéta opa árare oreko el mísmo divúho orekóva pe folléto Ehendúkena Ñandejárape. Ko folléto orekovénte umi párrafo ojelee hag̃ua ha ikatu jastudia umi hénte oleekuaamiévandi. Oĩ avei ermáno ha ermána oipurúva ko folléto umi iñestudiánte oipurúramo jepe pe folléto Ehendúkena Ñandejárape. Pe folléto Ehendúkena Ñandejárape ha reikovéta opa árare oreko umi leksión oĩhápe rrekuádro orekovéva umi informasión ikatúva oñeanalisa umi estudiánte ivalemiévandi.

Koʼã mokõi folléto siémpre ikatu jaofrese predikasiónpe oĩramo jepe ótra puvlikasión oñekuaveʼẽ vaʼerã upe méspe. Restudiáramo koʼã folléto umi héntendi, reipuru vaʼerã umi divúho reexplika hag̃ua chupekuéra mbaʼépa heʼi la Biblia. Ejapo vaʼerã pregúnta ne estudiántepe ikatu hag̃uáicha haʼe avei oopina ha rehechakuaa hag̃ua ontendépa hína la pestudiáva. Relee ha reexplika vaʼerã chupe umi téxto oĩva káda páhina opakuévo. Pestudiapa vove ko folléto, pestudia vaʼerã pe lívro ¿Mbaʼépa ñanemboʼe la Biblia? ikatu hag̃uáicha pe estudiánte oprogresave ohóvo ojevautisa hag̃ua.