JAHECHAUKÁKENA JASERVIHA JEHOVÁPE
Eipytyvõ ne famíliape siémpre imanduʼa hag̃ua Jehováre
Jeremíaspe oñenkarga vaʼekue oavisa hag̃ua umi judíope oñehunditaha chupekuéra hesarái haguére hikuái Ijára Jehovágui (Jer 13:25). ¿Mbaʼéicha rupípa umi judío hesarái vaʼekue Jehovágui? Pórke umi família ndojapovéi umi mbaʼe omoag̃uítava chupekuéra Jehováre. Oiméne umi tuakuéra nokumplivéi oikóvo raʼe pe mandamiénto Jehová omeʼẽ vaʼekue chupekuéra, jatopáva Deuteronomio 6:5-7-pe.
Koʼág̃arupi avei tekotevẽ umi família oĩ porã espirituálmente ikatu hag̃uáicha pe kongregasión oho porã hese. Tuakuéra oipytyvõ vaʼerã ifamíliape siémpre imanduʼa hag̃ua Jehováre ha upearã oreko vaʼerã hikuái peteĩ prográma de estúdio de família (Sl 22:27). Pehecha rire pe vidéo Koʼã ñeʼẽ oĩ vaʼerã ne korasõme: Entrevísta ojejapo vaʼekue umi famíliape, pekontesta koʼã pregúnta:
-
¿Mbaʼépa oipytyvõ heta famíliape ombohovái hag̃ua umi mbaʼe ojokoséva chupekuéra ojapo hag̃ua pe estúdio de família?
-
¿Mbaʼe iporãvapa ohupyty hikuái oreko haguére peteĩ prográma de estúdio de família?
-
¿Mbaʼérepa ijetuʼu jepi ndéve rejapo hag̃ua nde estúdio de família, ha mbaʼépa repensa rejapóvo ani hag̃ua umíva ndejoko?