“Peñatende porãke peikóvo”
Jesús omombeʼúramo jepe umi unhídope g̃uarã pe ehémplo oñeʼẽva umi 10 kuñataĩre, enterovéva ikatu ñaaprende chugui heta mbaʼe (w15 15/3 páh. 12-16). Haʼe heʼi vaʼekue: “Peñatende porãke peikóvo, cháke ndapeikuaái mbaʼe día ni mbaʼe óratapa” (Mt 25:13). ¿Ikatúpa emyesakã ko ehémplo?
-
Pe nóvio (v. 1): Jesús.
-
Umi kuñataĩ iñarandúva térã oĩ vaʼekue preparáda (v. 2): Umi unhído oĩva preparádo okumpli porã hag̃ua iñasignasión ha ohesapéva hína peteĩ mbaʼerendýicha ko múndope (Flp 2:15).
-
Osapukáiva: “¡Koʼápe ou la nóvio!” (v. 6): Señál ohechaukáva Jesús oĩmaha térã ogovernamaha.
-
Umi kuñataĩ oñembotavýva (v. 8): Umi kristiáno unhído osẽva ohug̃uaitĩ pe Nóviope, péro noñatendéi rupi ou naiñeʼẽrenduvéi Jehovápe.
-
Umi kuñataĩ iñarandúva nomeʼẽséi ijaséite (v. 9): Ojesellapa rire chupekuéra, umi unhído ifiélva ndaikatumoʼãvéima oipytyvõ umi unhído naiñeʼẽrendúi vaʼekuépe.
-
“Og̃uahẽ pe nóvio” (v. 10): Jesús oúma oporohusga ha oporokastiga hag̃ua pe jehasa asy guasu oñemohuʼãmbotávo.
-
Umi kuñataĩ iñarandúva oike pe Nóviondi la kasamientohápe ha oñemboty pe okẽ (v. 10): Jesús ombyatypa umi unhído ifiélvape yvágape, péro umi naiñeʼẽrendúi vaʼekue ndorresivíri irrekompénsa.