Pe última Páskua Jesús ojapótava ijespesiál vaʼekue. Haʼe oikuaa saʼíma ofaltaha omano hag̃ua, ha ojapose pe Páskua ijapostolkuérandi onkarga hag̃ua chupekuéra upe guive ogueromanduʼa vaʼerãha pe Séna del Señór. Upévare ojerure Pedro ha Juánpe oprepara hag̃ua peteĩ koty (Lu 22:7-13; ehecha pe taʼanga oĩva ko prográma apére). Kóva ñanemomanduʼa ñande avei jajeprepara vaʼerãha pe Konmemorasionrã ojejapótava el 27 de marzo. Katuete umi kongregasión oiporavóma pe diskursánte, mbaʼéichapa ojejapóta pe pan ha pe víno ha umi ótra kósa oñekotevẽva. ¿Péro mbaʼépa ñande ikatu jajapo ñaime hag̃ua preparádo upe díape g̃uarã?

Japrepara ñane korasõ. Jalee ha jajepyʼamongetákena pe lektúra bíblicare okorrespondéva pe Konmemorasión tiémpope. Jatopáta peteĩ prográma de lektúra bíblica pe folléto Ñahesaʼỹijo Ñandejára Ñeʼẽ ára ha árape. Ha ñande Bíbliape, informasión B12-pe oĩ peteĩ prográma de lektúra ikompletovéva (ehecha avei Prográma Rreuniónpe g̃uarã abril de 2020). Pehechaséramo en família mbaʼérepa iñimportánte pe rreskáte, ikatu peipuru pe Índice de las publicaciones Watch Tower ha Gía oipurúva testígo de Jehová otopa hag̃ua informasión.

Ñaporoinvita. Jajapókena ikatúva entéro ñaporoinvita hag̃ua Konmemorasionrã, por ehémplo ñande rrevisítape, umi ostudia vaʼekuépe ñanendive la Biblia, ñane hentekuéra térã umi ñane konosídope. Ansianokuéra oinvita vaʼerã umi inaktívope. Peteĩ persóna ndoikóiramo ñande territóriope, ikatu jaheka jw.org-pe pe óra ha lugár ojejapotahápe pe Konmemorasión opyta porãvétava chupe. Upearã eike heʼihápe ORE INFORMASIÓN ha upéi heʼihápe “Konmemorasión”.

¿Oĩpa álgo ikatúva jajapove ñaime hag̃ua preparádo?