La oiko vaʼekue umi israelítare Moábpe ñanemboʼe heta mbaʼe (1Co 10:6, 8, 11). Umi kuña Moabgua ningo hekovai ha oadora vaʼekue umi dios guaʼúpe, ha umi israelita oñepyrũ vaʼekue oñeamiga hesekuéra. Upéi umi kuña okonvense umi israelítape ojapo hag̃ua heta mbaʼe ivaietereíva, upéi oguerúva hetaiterei provléma Israélpe (Nú 25:9). Koʼág̃a ñande jaiko umi hénte ndoadoráiva Jehovápe apytépe, por ehémplo ñane kompañéro de traváho, ñane kompañéro de eskuéla térã kolehiopegua, ñane vesíno, ñane konosído térã ñane hénte. Upévare iporã jajepyʼamongeta ko istóriare ha jahecha umi mbaʼe ikatúva oiko jajúramo ñañeamigaiterei umi ndoservírivare Jehovápe.

EHECHA PE VIDÉO EHÉMPLO IDEPROVÉCHOVA ÑANE TIÉMPOPE G̃UARÃ (VIDÉO MBYKYVÉVA), HA UPÉI ERRESPONDE KOʼÃ PORANDU:

• ¿Mbaʼe mbaʼépa oñepyrũ vaʼekue heʼi Zimrí ha iñirũnguéra Jamínpe okonvense hag̃ua chupe?

• ¿Mbaʼéichapa Finehás oipytyvõ Jamínpe ohecha hag̃ua umi mbaʼe hekopete?

• ¿Mbaʼérepa ikatu jaʼe idiferenteha ñaneamávle peteĩ persóna ndoadoráivandi Jehovápe ha jaiko iñamígoramo?

• ¿Mbaʼérepa ñañatende vaʼerã jaiporavo porã hag̃ua ñane amigorã kongregasiónpe jepe?

• ¿Mbaʼérepa naiporãi ñaime umi grúpo de chat omensaheahápe umi hénte ndajaikuaáiva personálmente?