Jehová oipota jaservi chupe jahayhúgui chupe (Mt 22:37, 38). Umi estudiánte ohayhúmante vaʼerã Jehovápe okambia hag̃ua tekotevẽhápe ha oaguanta hag̃ua umi pruéva oñepresentáva chupekuéra (1Jn 5:3). Ohayhúramo Ñandejárape ipyʼaite guive, upéva omomýita chupekuéra ojevautisa hag̃ua.

Eipytyvõ ne estudiántepe ohechakuaa hag̃ua Jehová oikuaaha isituasión ha ohayhuha chupe (2Cr 16:9). Pestudia jave ikatu eporandu: “¿Mbaʼépa nemboʼe Jehovágui ko párte?”, térã “¿Mbaʼéichapa ko párte ohechauka ndéve Jehová nderayhuetereiha?”. Emombeʼu ne estudiántepe umi situasión Jehová ombohovái haguépe ndéve ne ñemboʼe, ha emokyreʼỹ chupe ohechakuaa hag̃ua avei Jehová okontesta jave chupe iñemboʼe. Javyʼaitereíta ningo ñaipytyvõramo ñane estudiántepe oñemoag̃uive hag̃ua Jehováre ha ohayhu hag̃ua chupe.

EHECHA PE VIDÉO ÑAIPYTYVÕ ÑANE ESTUDIANTEKUÉRAPE OREKO HAG̃UA PETEĨ AMISTA JEHOVÁNDI, HA UPÉI ERRESPONDE KOʼÃ PORANDU:

• ¿Mbaʼeichagua situasión ijetuʼúvapa oñepresenta Aramípe?

• ¿Mbaʼéichapa Nilda oipytyvõ Aramípe?

• ¿Mbaʼépa ojapo Arami oaguanta hag̃ua pe situasión ijetuʼúva?