1-7 de abril
SALMOS 23-25
Purahéi 4 ha ñemboʼe | Ojeʼétava oñepyrũ hag̃ua pe rreunión (1 min.)
1. “Jehová hína che Pastór”
(10 min.)
Jehová ñandegia ha ñandeprotehe (Sl 23:1-4; w22.01 3, 4 párr. 5, 6).
Jehová ñanemongaru porã (Sl 23:5; w11-S 1/5 31 párr. 5).
Jehová oñangareko isiervokuéra mimíre, peteĩ pastór imbaʼeporãva oñangarekoháicha ijovechakuéra mimíre.
EÑEPORANDUMÍNA: “¿Mbaʼéichapa Jehová oñangareko hína cherehe?”.
2. Óro kuʼi oĩva la Bíbliape
(10 min.)
Sl 23:3. ¿Mbaʼépa jajapo vaʼerã ani hag̃ua ñasẽ pe tape porãgui? (w11 15/2 24 párr. 3).
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Sl 23:1–24:10 (th leksión 5).
4. Ñañepyrũ hag̃ua ñañemongeta
(3 min.) JAPREDIKA OIMEHÁPE. Elee peteĩ téxto bíblico peteĩ persóna heʼívape ndéve oipyʼapyha chupe mbaʼéichapa la hénte ombyaipa ko yvy (lmd leksión 2 púnto 5).
5. Jajapo rrevisíta
(4 min.) JAPREDIKA OGAHÁRUPI. Pe persóna oasepta rire ndehegui pe folléto Jaikóta vyʼápe, ehechauka chupe mbaʼéichapa ojejapo jepi peteĩ kúrso bíblico (lmd leksión 9 púnto 3).
6. Jajapo disípulo
(5 min.) lff leksión 14 púnto 4 (lmd leksión 11 púnto 3).
Purahéi 54
7. Ñande ñamboykete umi extráño ñeʼẽ
(15 min.) Eanalisa ermanokuérandi.
Umi ovecha oikuaa ipastór ñeʼẽ ha osegi chupe. Péro naikonosídoiramo chupekuéra la iñeʼẽ ni nopenái hese (Jn 10:5). Ñande avei jaikuaa ha jasegi ñande Pastorkuéra ñeʼẽ: Jehová ha Jesús, haʼekuéra imbaʼeporãiterei ha ikatu jajerovia hesekuéra (Sl 23:1; Jn 10:11). Péro ñamboykete voi umi extráño ñeʼẽ, pórke jaikuaa ‘haʼekuéra ijaputaha ñandéve’ omokangységui ñande jerovia (2Pe 2:1, 3).
Génesis kapítulo 3-pe primera ves oñeñeʼẽ peteĩ extráño oñeʼẽvare ko yvy ape ári. Upérõ Satanás ojevale peteĩ mbóire oñeʼẽ hag̃ua Évape, upéicha haʼe ndopillamoʼãi kuri mávapa la añetehápe oñeʼẽva hína. Satanás oñeamigaite guaʼu Évare, ha ontendeka Jehová naiñintensionporãiha ha ijapuha hína chupe. Ñambyasýramo jepe Eva oguerovia chupe, ha upéicha rupi heta osufri haʼe ha entéro ifamiliare.
Koʼág̃arupi avei Satanás oipota ñande jaduda Jehovágui ha iñorganisasióngui. Upévare oiko omosarambi informasión japu térã nomombeʼupáiva la verda. Ñande japilla jave umichagua extráño oñeʼẽha, nañapenaiete voi hesekuéra ha pyaʼe voi ñamboykete. Ñahendúramo chupekuéra, sapyʼaitemi jepe kuriósogui rei, jajapeligráma hína. Epensamína, ¿Satanás piko oñeʼẽ pukueterei raʼe Évape ombotavy hag̃ua chupe, térãpa mbykymínte raʼe? (Gé 3:1, 4, 5). ¿Mbaʼépa jajapo ñande oñeñeʼẽ vaiséramo ñandéve Jehová organisasiónre? Koʼýte tekotevẽ ñañatende oiméramo upe omombeʼúva ñandéve haʼe hína peteĩ persóna ñande jahayhúva ha jaikuaáva iñintensión porãha.
Ehechauka pe VIDÉO Emboykete umi extráño ñeʼẽ. Upéi eporandu:
¿Mbaʼépa ojapo Arami isy ndahaʼéiva Testígo omombeʼusérõ guare chupe peteĩ mbaʼe vai Jehová organisasióngui, ha mbaʼépa ñaaprende chugui?
8. Estúdio bíblico kongregasionpegua
(30 min.) bt kap. 8 párr. 1-4, ha umi rrekuádro oĩva páh. 69 ha 70-pe.
