JAHECHAUKÁKENA JASERVIHA JEHOVÁPE
¿Mbaʼéichapa ikatu reipuru JW Library?
RESTUDIA HAG̃UA:
-
Elee la Biblia ha pe téxto diário.
-
Elee pe Anuario, umi rrevísta ha hetave puvlikasión. Eike heʼihápe “Marcadores” ha eipuru upéva emarka hag̃ua moõite pevépa elee raʼe.
-
Ejeprepara rreunionrã ha emarka umi rrespuésta.
-
Ehecha umi vidéo.
RREUNIONHÁPE:
-
Eheka umi téxto ha eipuru pe “Historial” etopa jey hag̃ua umi téxto releéma vaʼekue.
-
Umi puvlikasión ojepurúva jepi rreunionhápe ha avei pe kántiko oĩmbáma voi JW Library-pe, upévare natekotevẽi eraha umi puvlikasión imprésa. Upépe oĩ avei umi kántiko pyahu noĩriva pe purahéi ryrúpe.
PREDIKASIÓNPE:
-
Peteĩ persóna oñatende porãramo nderehe, ehechauka chupe peteĩ informasión JW Library-pe ha mbaʼéichapa ikatu omboguejy iselulár térã itávletpe upe aplikasión ha umi puvlikasión.
-
Nanemanduʼaporãiramo moõpa opyta peteĩ téxto de la Biblia, ikatu ejopy pe lupaʼi raʼanga ha eskrivi pype algúna palávra nemanduʼáva pe téxtogui.
-
Ehechauka peteĩ vidéo. Pe ogajára orekóramo mitã, ikatu rehechauka chupe peteĩ vidéo osẽva jepi pe seksión héravape Eikókena Jehová amígoramo. Ikatu avei ehechauka chupe pe vidéo ¿Mbaʼérepa restudia vaʼerã la Biblia?, ha emokyreʼỹ chupe ostudia hag̃ua. Retopáramo peteĩ extranhérore, ikatu ehechauka chupe peteĩ vidéo iñeʼẽtépe.
-
Ikatu emboguejy la Biblia diferénte idiómape. Retopáramo peteĩ extranhérore ikatu reheka pe téxto releeséva, ejopy pe téxto ha upéi pe livroʼi raʼanga osẽva, upépe osẽta ndéve pe versíkulo umi diferénte idióma remboguejy vaʼekuépe.
Koʼã téma ikatu ndegusta avei
ROPREDIKA
Pe sítio JW.ORG ideprovécho oñemog̃uahẽ hag̃ua pe mensáhe oĩva la Bíbliape
Umi testígo de Jehová, tahaʼe ijedáva térã imitãva, ovyʼaiterei oipurúvo pe sítio orekóva Internétpe, oñembopyahu vaʼekue 2012-pe, omog̃uahẽ hag̃ua opavavépe pe notísia porã Ñandejára Rréino rehegua.
