Peteĩ família ojoayhúramo oĩta unído. Ndojoayhúiramo ijetuʼúta oiko porãmba ha oñopytyvõ hag̃ua. ¿Mbaʼéichapa umi ména, tembireko ha tuakuéra ikatu ohechauka oporohayhuha?

Peteĩ ména ikariñósova orekóta enkuénta hembireko oikotevẽva, opensáva ha oñandúva (Ef 5:28, 29). Pe ména omoĩta ifamíliape hemikotevẽ ha oipytyvõta chupekuéra oñemoag̃ui hag̃ua Jehováre, por ehémplo oñenkargáta ojejapo meme hag̃ua pe estúdio de família (1Ti 5:8). Pe tembireko ohayhúva iménape oñemoĩta ipoguýpe ha ‘orrespetáta chupe ipyʼaite guive’ (Ef 5:22, 33; 1Pe 3:1-6). Mokõivéva oñoperdonakuaa vaʼerã ipyʼaite guive (Ef 4:32). Umi tuakuéra ohayhúva ifamiliakuérape oñeinteresa káda únore ha omboʼe chupekuéra ohayhu hag̃ua Jehovápe (Dt 6:6, 7; Ef 6:4). ¿Mbaʼe situasión ijetuʼúvapa ombohovái ne família eskuéla térã koléhiope? ¿Mbaʼépa ojapo jepi oĩ jave omboligáva chupekuéra mbaʼe vairã? Peteĩ família ohechaukáramo ojoayhuha, enterove oñeñandu porãta ha ovyʼáta.

EHECHA PE VIDÉO JAHECHAUKA PE MBORAYHU NÚNKA NDOFALLÁIVA ÑANDE ROGAPÝPE, HA UPÉI ERRESPONDE KOʼÃ PORANDU:

• ¿Mbaʼéichapa peteĩ ména ikatu ohechauka oñangarekoha mborayhúpe hembirekóre?

• ¿Mbaʼéichapa ikatu peteĩ tembireko ohechauka orrespetaha iménape ipyʼaite guive?

• ¿Mbaʼéichapa tuakuéra ikatu omboʼe ifamíliape ohayhu hag̃ua Jehovápe?