Pe disiplína rupive ningo ñaaprende ha ñañehekomboʼe, péro pe disiplínape avei oike pe korreksión ha kastígo. Jehová ñandekorrehi jaadora hag̃ua chupe haʼe oipotaháicha (Ro 12:1; Heb 12:10, 11). Sapyʼánte ikatu hasy ñandéve jajekorrehi jave, péro jaaseptáramo ñaime porãta Ñandejára renondépe ha haʼe ñanevendesíta (Pr 10:7). ¿Mbaʼépa oreko vaʼerã enkuénta umi oporokorrehíva ha avei umi orresivíva pe korreksión?

Oporokorrehíva. Umi ansiáno, umi tuakuéra ha ótra persóna oñehaʼãmbaite ikatu hag̃uáicha oporokorrehi mborayhúpe Jehová ojapoháicha (Jer 46:28). Tekotevẽrõ jepe ojekorrehi mbarete algúnope, ojereko vaʼerã enkuénta isituasión ha ojekorrehi vaʼerã upe persónape ojehayhúgui chupe (Tit 1:13).

Orresivíva pe korreksión. Tahaʼe haʼéva pe disiplína jarresivíva, jaasepta vaʼerã ha ensegída jasegi vaʼerã umi konsého oñemeʼẽva ñandéve (Pr 3:11, 12). Ñaneimperfékto rupi, enterovéva tekotevẽ jajekorrehi de algúna fórma. Por ehémplo, ikatu jarresivi korreksión jaleéva rupive la Bíbliape térã ñahendúva rupive rreunionhápe. Sapyʼánte katu tekotevẽ ñandekorrehi peteĩ komite hudisiál. Jaaseptáramo jajekorrehi jave ha ñakambia tekotevẽhápe, javyʼavéta ha ikatúta jaikove pára siémpre (Pr 10:17).

EHECHA PE VIDÉO “JEHOVÁ OKORREHI UMI OHAYHÚVAPE”, HA UPÉI ERRESPONDE KOʼÃ PORANDU:

• ¿Mbaʼéichapa okakuaa vaʼekue ermáno Bonaldi, ha mbaʼépa oiko upe rire?

• ¿Mbaʼéichapa Jehová mborayhúpe okorrehi chupe?

• ¿Mbaʼépa ñanemboʼe ermáno Bonaldi ohasa vaʼekue?