Ñamboʼéramo kyreʼỹme umi ñanerendúva ikyreʼỹta avei ha ikatu hína ojapysaka porãve ñanderehe. Avei péicha jahechauka ñamombaʼeha pe mensáhe ñamombeʼúva. Enterovéva ningo ikatu ñanekyreʼỹ tahaʼe haʼéva ñande lája térã umi kostúmbre jarekóva (Ro 12:11). ¿Mbaʼépa ikatu jajapo ñamboʼe hag̃ua kyreʼỹme?

Primero, ñanemanduʼa vaʼerã iñimportantetereiha pe mensáhe ñamombeʼúva umi héntepe. Jareko ningo pe priviléhio ñakompartívo hendivekuéra “umi notísia porã” (Ro 10:15). Segundo, jajepyʼamongeta mbaʼeichaitépa oipytyvõ umi notísia porã entéro umi ohendúvape. Umi hénte ningo tekotevẽterei oikuaa upe mensáhe (Ro 10:13, 14). Ha tercero, ñañeʼẽkena ñande pyʼaite guive, ojekuaa vaʼerã ñande rováre ha umi hésto jajapóvare umi mbaʼe ñañandúva ha avei ñanesinseroha.

EHECHAUKA PE VIDÉO JAVYʼÁKENA JAJAPÓVO DISÍPULO: ÑAÑEMBOKATUPYRYVE JAHÁVO: EMBOʼE KYREʼỸME, HA UPÉI ERRESPONDE KOʼÃ PORANDU:

• ¿Mbaʼérepa Nilda naikyreʼỹvéi kuri ombostudia hag̃ua Aramípe?

• ¿Mbaʼépa oipytyvõ Níldape ikyreʼỹ jey hag̃ua?

• ¿Mbaʼérepa iñimportánte ñañekonsentra umi kualida porã orekóvare umi ñanerendúva?

• ¿Mbaʼéichapa ikatu oipytyvõ ñane estudiánte ha umi ótra persónape ñanekyreʼỹramo?