Ñande ñaneimperfékto rupi siémpre ñañehaʼã vaʼerã ani hag̃ua ipuʼaka ñanderehe umi deséo jarekóva. Jajapóramo la jajaposévante ikatu hína japyta vai Jehová renondépe. Por ehémplo, oĩ hénte ojepyʼapyetereíva pe tembiʼu, ao ha hógare, ha upéicha rupi ou ombotapykue Ñandejárape. Ótro katu ni nopenái la Ñandejára heʼívare umi rrelasión sexuálre, omeʼẽséguinte gústo ijupe (Ro 1:26, 27). Ha oĩ avei umi oñemoĩ porãsévante hapichándi ha upévare ojapo ojeʼéva guive chupe, ivaíramo jepe upéva (Éx 23:2).

¿Mbaʼéichapa ñande ikatu ñandepuʼaka umi deséo jarekóvare? Ñañehaʼã vaʼerã ñañekonsentra umi mbaʼe Jehová oguerohorývare (Mt 4:4). Tekotevẽ avei jajerure Jehovápe ñanepytyvõ hag̃ua. Haʼémante oikuaáta mbaʼépa la iporãvéva ñandéve g̃uarã ha omeʼẽta ñandéve opa mbaʼe jaipotáva, oĩ porãma guive (Sl 145:16).

EHECHA PE VIDÉO ANI EHEJA NDE REKOVE OPA REI TATATĨCHA, HA UPÉI ERRESPONDE KOʼÃ PORANDU:

• ¿Mbaʼérepa la hénte opita jepi?

• ¿Mbaʼéichapa ikatu ndeperhudika ko vísio?

• ¿Mbaʼérepa noĩporãi epita térã evapea? (2Co 7:1).

• ¿Mbaʼéichapa ikatu remboyke ko vísio, ha oiméramo repitáma mbaʼéichapa ikatu reheja?