Umi estudiánte omombarete vaʼerã ijerovia ikatu hag̃uáicha Ñandejára oguerohory chupekuéra (Heb 11:6). Ha ñande ikatu ñaipytyvõ chupekuéra upearã jaipurúvo pe lívro ¡Jaikóta vyʼápe pára siémpre! Ko lívro oipuru umi téxto ha porandu hesakuaitépe ha ifásil oñentende hag̃ua. Avei oreko heta vidéo omokyreʼỹtava umi estudiántepe ha umi taʼanga porã porã. Ñaipytyvõramo chupekuéra omombareteve hag̃ua iñamista Jehovándi ha okambia hag̃ua tekotevẽhápe, haʼete hína ñamopuʼãva peteĩ óga isimiénto porãva (1Co 3:12-15).

Oĩ heta opensáva ijetuʼuetereitaha oiko hag̃ua chuguikuéra Ñandejára amígo. Upévare ñande ñaipytyvõ vaʼerã chupekuéra oikuaa porãve hag̃ua Jehovápe ha ojerovia mbarete hag̃ua hese.

EHECHA PE VIDÉO ÑAIPYTYVÕ ÓTROPE OJEROVIAVE HAG̃UA JEHOVÁRE JAIPURÚVO: “¡JAIKÓTA VYʼÁPE PÁRA SIÉMPRE!”, HA UPÉI ERRESPONDE KOʼÃ PORANDU:

• ¿Mbaʼérepa ikatu jaʼe pe ermána ojeprepara porã hague ijestudiorã?

• Olee rire Isaías 41:10, 13, ¿mbaʼeichagua porandúpa oipuru pe ermána iñestudiánte heʼi hag̃ua chupe la opensáva?

• ¿Mbaʼéichapa oñeñandu pe estudiánte ohecha rire pe vidéo ha olee rire umi téxto?

Heta persóna nontendeporãi mbaʼeichaitépa iñimportánte Jesús sakrifísio, térã nopensái upéva haʼeha Ñandejára rregálo chupekuéra g̃uarã (Gál 2:20). Upévare ñande ñaipytyvõ vaʼerã chupekuéra ojerovia hag̃ua Jesús sakrifísiore.

EHECHA PE VIDÉO ÑAIPYTYVÕ ÓTROPE OJEROVIAVE HAG̃UA JESÚSRE JAIPURÚVO: “¡JAIKÓTA VYʼÁPE PÁRA SIÉMPRE!”, HA UPÉI ERRESPONDE KOʼÃ PORANDU:

• ¿Mbaʼérepa ikatu jaʼe pe ermáno ojeprepara porã hague ijestudiorã?

• ¿Mbaʼéichapa pe ermáno oipuru pe párte hérava “Einvestiga hag̃ua” oipytyvõ hag̃ua iñestudiántepe?

• ¿Mbaʼérepa iñimportantete ñane estudiánte oñemboʼekuaa?