Jesús opredikárõ guare oipurúmi vaʼekue umi notísia térã umi mbaʼe oikóva ijerére omboʼe hag̃ua la héntepe (Lu 13:1-5). Nde avei ikatu reipuru umi notísia osẽ ramovéva reñepyrũ hag̃ua reñeʼẽ la héntendi Ñandejára Rréinore ha rembokurióso hag̃ua chupekuéra. Ikatu por ehémplo reñeʼẽ umi provléma ekonómikore, peteĩ desástre naturál oiko ramóvare, umi provléma oĩvare umi dróga káusare, mbaʼéichapa la hénte oñorairõmba ha umícha. Ha upéi eporandu álgo omopensátava chupe. Por ehémplo: “¿Ndépa ere algúna ves opataha ko situasión?”, térã “¿Mbaʼéichapa ikatúne oñesolusiona ko provléma?”. Upe rire elee chupe peteĩ téxto de la Biblia oñeʼẽva upe témare. Pe persóna ohendu porãramo, ehechauka chupe peteĩ vidéo térã eofrese peteĩ puvlikasión oĩva pe kit de enseñánzape. Jajapóramo “entéro mbaʼe umi notísia porã rehehápe” katuete ñag̃uahẽta umi hénte korasõme ñande territoriopeguápe (1Co 9:22, 23).

¿Mbaʼeichagua témapa ointeresáne umi hénte nde territoriopeguápe?