“Jehová oguerohory ipuévlope” (Sl 149:4). Ñande ñaneimperféktoramo jepe, haʼe ojesareko umi mbaʼe porã jajapóvare ha avei la ikatúvare jajapo amo gotyove. Péro sapyʼánte ñande voi ndajahechái mbaʼeve iporãmíva ñandejehe. Ikatu oime ótro ñandeapoʼi ha upévare ñapensa ndajavaleiha mbaʼeverã. Térã ikatu oime yma jajapo raʼe álgo ivaíva, ha jaʼe nañamereseiha Jehová ñanderayhu. Oimérõ ñañeñandu péicha, ¿mbaʼépa ikatu ñanepytyvõ?

Ñanemanduʼa vaʼerã Jehová ‘ohecha lája umi héntepe idiferenteha’ (1Sa 16:7). Upéva heʼise haʼe ohechaha ñanderehe umi mbaʼe ni ñande ndajahechakuaáiva. La Biblia ñanepytyvõ jaikuaa hag̃ua mbaʼe rehepa Jehová ojesareko. Jajepyʼamongetáramo unos kuánto téxtore jahechakuaáta mbaʼeichaitépa haʼe ohayhu isiervokuérape.

EHECHA PE VIDÉO EKONVENSE NE KORASÕME JEHOVÁ NDERAYHUHA, HA UPÉI ERRESPONDE KOʼÃ PORANDU:

• ¿Mbaʼépa ñanemboʼe Jehovágui pe ehémplo oñeʼẽva pe mitãrusu ohaʼãvare karréra?

  Rrespuésta

• Peteĩ persóna opeka vaíramo péro upéi oñehaʼãmbaite oĩ porã jey Jehovándi, ¿mbaʼéichapa ikatu okonvense ikorasõme Ñandejára ohayhuha chupe? (1Jn 3:19, 20).

  Rrespuésta

• ¿Mbaʼéichapa oipytyvõ pe ermánope David ha Jehosafat istória?

  Rrespuésta