¿Mbaʼépa hína pe gravasión de la Biblia? Upéva ningo peteĩ gravasión ojejapóva pe Traducción del Nuevo Mundo versión rrevisádagui, ha amás día ojehupi ohóvo hetave idiómape oĩmbárema voi káda lívro. Ojepuru diferénte ermáno ha ermánape ograva hag̃ua umi diferénte personáhe. Ha ojeleehápe ojerresalta hendapete umi palávra ikatu hag̃uáicha oñentende porã la heʼiséva. Avei ograva hikuái ipyʼaite guive ojepilla porãve hag̃ua la mensáhe.

¿Mbaʼépepa ideprovécho pe gravasión de la Biblia? Umi ohendu meméva pe gravasión de la Biblia heʼi upéva oipytyvõha chupekuéra oñeimahina hag̃ua oĩramoguáicha voi hikuái pe lugár oiko haguépe la ojeleéva. Ohendúvo umi diferénte vos orekóva umi personáhe, ifasilve chupekuéra ontende porã hag̃ua la oikóva (Pr 4:5). Oĩ avei heʼíva koʼã gravasión otrankilisaha chupekuéra ojepyʼapyeterei jave (Sl 94:19).

Ehendúramo Ñandejára Ñeʼẽ heʼíva tuichaiterei ikatu ideprovécho hína ndéve (2Cr 34:19-21). ¿Oĩmapa pe gravasión de la Biblia kompletoite térã en párte jepe peteĩ idióma nde rentendévape? ¿Mbaʼetekópa remoĩramo kómo méta eaprovechapaitévo upéva ha ehendu meme?

EHECHA PE VIDÉO MBAʼÉICHAPA OJEGRAVA LA BIBLIA (VIDÉO MBYKYVÉVA), HA UPÉI ERRESPONDE KO PORANDU:

¿Mbaʼépa ndéve ndegustave pe gravasión de la Bíbliagui?