Ko lívro ningo ndahasyiete ñantende hag̃ua. Opakuévo oreko peteĩ párte hérava “Notakuéra”, upépe ojeexplika porãve mbaʼépa heʼise algúna palávra térã fráse oĩva umi kapítulope. Pe lívro Mbaʼépa añetehápe omboʼe la Biblia? oreko vaʼekue pregúnta oñepyrũ mboyve káda kapítulo ha avei peteĩ rrekuádro de rrepáso, péro pe lívro ¿Mbaʼépa ñanemboʼe la Biblia? ndorekovéima koʼã mbaʼe. Upéva rangue, káda kapítulo opakuévo oĩ peteĩ párte hérava “Mbaʼépa ñaaprende”, upépe oñemoĩ umi mbaʼe iñimportantevéva oñeaprende vaʼekue upe kapítulope. Ko lívro ikatu oñekuaveʼẽ predikasiónpe ndahaʼéiramo jepe pe puvlikasión oñekuaveʼẽva hína upe méspe. Ko lívro oreko heta mbaʼe ikatúva oipytyvõ ñane estudiántepe. ¿Mbaʼéichapa ikatu jaipuru umíva?

RREKUÁDRO “MBAʼÉPA ÑAAPRENDE”. Jaipuru jave pe lívro ¿Mbaʼépa ñanemboʼe la Biblia? jajapo hag̃ua estúdio, jalee vaʼerã umi párrafo ha upéi jajapo umi pregúnta káda párrafo rehegua. ¿Péro mbaʼépa ikatu jajapo pe persóna ndahaʼéiramo la oleekuaaitereíva? Ikatu ñambostudiánte chupe pe rrekuádro oĩva opakuévo káda kapítulo ha ñamokyreʼỹ chupe olee hag̃ua upéi haʼeñohápe pe kapítulo. Ko rrekuádrope ningo oñemoĩ peteĩ número káda púnto prinsipál ykére, ha káda estúdiope ikatu ñaanalisa peteĩ púnto prinsipál oĩva pe rrekuádrope ha upéva ikatu jajapo 15 minútope. Umi rrekuádro ningo ndorekói heta informasión, upévare jajeprepara porã vaʼerã jajapo hag̃ua pe estúdio, péicha ñaipytyvõ porãvéta ñane estudiántepe. Péro jastudiátarõ pe kapítulo, pe rrekuádro ikatu jaipuru jajapo hag̃ua peteĩ rrepáso.

NOTAKUÉRA. Umi palávra ha fráse oĩva ko pártepe oĩ asegún pe órden ojaparesehápe umi kapítulope. Ha ñande ikatu jadesidi ñaanalisátapa umíva pe estúdio aja.