Jesús heʼi vaʼekue ñandepojeráramo, umi hénte ipojerataha avei ñanendive (Lu 6:38). Ñanembaʼeporã ha ñandepojeráramo, ñane ermáno ha ñane ermanakuéra ojaposéta avei upéicha.

Ñande ñamombaʼeguasu hína Jehovápe ñandepojera jave. Haʼe ohecha ñanembaʼeporã jave umi ermáno oikotevẽvandi ha opromete haʼe voi opagataha ñandéve (Pr 19:17).

EHECHA PE VIDÉO ROAGRADESETEREI PENDEPOJERA HAGUÉRE, HA UPÉI ERRESPONDE KOʼÃ PORANDU:

• ¿Mbaʼéichapa ojepuru umi ermanokuéra rehehápe umi kontrivusión oñemeʼẽva?

• ¿Mbaʼérepa siémpre jajepokuaa vaʼerã ñandepojera saʼíramo jepe la ikatúva ñameʼẽ? (Elee avei pe artíkulo oĩva jw.org-pe: “Umi orekovéva oipytyvõ umi saʼive orekóvape”).