JAIKO KRISTIÁNO TEÉICHA
¿Mbaʼépa che ikatu ajapo oñeñeʼẽ porã hag̃ua Jehová organisasiónre?
La hénte oreko enkuénta mbaʼéichapa ñañekomporta ñande testígo de Jehová (1Co 4:9). Upévare iporã ñañeporandu: “¿Omombaʼeguasúpa hína Jehovápe umi mbaʼe haʼéva ha ajapóva?” (1Pe 2:12). Ñande testígo de Jehová areterei guivéma ñañehaʼã jajapo entéro mbaʼe oñeñeʼẽ porã hag̃uáicha Jehová organisasiónre. Nahiʼãingo la ñande káusare mbaʼe koʼág̃a ou oñemongyʼa Jehová réra (Ec 10:1).
Ehechamína koʼã situasión, ha eanota káda uno guýpe mbaʼépa Jehová ohaʼarõ jajapo umícha jave ha mbaʼeichagua konsého bíblicopa ñanepytyvõkuaa:
-
Peteĩ ndahaʼéiva Testígo ou ijarhél ndéve
-
Nde ao, nde áuto térã nde róga ndahaʼéi la ipotĩmbáva
-
Oĩ peteĩ léi iñinhústova ndéve g̃uarã térã ijetuʼúva ndéve rekumpli hag̃ua
¿Mbaʼéichapa umi investigasión ojapóva pe Departaménto de Rredaksión oipytyvõ oñeñeʼẽ porã hag̃ua Jehová organisasiónre?
EHECHA PE VIDÉO OHAYHU HA ORRESPETA LA VERDA, HA UPÉI ERRESPONDE KO PORANDU:
Heta oñembaʼapo umi puvlikasión ijexákto hag̃ua, ¿mbaʼépa la nde remombaʼevéva upévagui?
