JAIKO KRISTIÁNO TEÉICHA
Tuakuéra, pemboʼékena pene famíliape ombovyʼa hag̃ua Jehovápe
Jehová ningo ovaloraiterei umi imitãvape. Haʼe ohecha mbaʼéichapa haʼekuéra ohayhu chupe ha ojerovia hese, ha ndojehasareíri chugui umi mbaʼe oaguantáva hikuái (1Sa 2:26; Lu 2:52). Umi imitãvéva jepe ikatu hína ombovyʼa Jehovápe ikondúkta rupive (Pr 27:11). Jehová omeʼẽ tuakuérape heta ajúda iñorganisasión rupive, ikatúva oipuru hikuái ifamiliakuéra ohayhu ha iñeʼẽrendu hag̃ua chupe.
EHECHA PE VIDÉO MITÃNGUÉRA: ¡PESEGÍRAMO PEAGUANTA PEMBOVYʼAITEREÍTA JEHOVÁPE!, HA UPÉI ERRESPONDE KOʼÃ PORANDU:
-
¿Mbaʼéichapa Jehová oipytyvõ ha ogia umi imitãvape koʼã áño ohasa vaʼekuépe?
-
¿Mbaʼeichagua ajúdapa oreko tuakuéra?
-
Umi mbaʼe Jehová omeʼẽvagui umi imitãvape, ¿mavaitévapa ndéve nepytyvõve, ha mbaʼérepa?
