Pe jehasa asy guasu ningo hiʼag̃uimbaitéma, upévare iñimportanteterei japredika (Pr 24:11, 12, 20). Umi tarhéta jw.org ningo ideprovechoiterei ñaipytyvõ hag̃ua la héntepe oikuaaseve hag̃ua la Biblia heʼíva ha avei oike hag̃ua ñande sítio oĩvape Internétpe. Umi tarhétare ningo oĩ peteĩ kódigo ha umi hénte oeskaneávo upe kódigo ogueraháta chupe ohecha hag̃ua pe vidéo ¿Mbaʼérepa restudia vaʼerã la Biblia? ha avei peteĩ invitasión ostudia hag̃ua la Biblia ha oikuaave hag̃ua la Biblia omboʼéva. Sapyʼánte jatopa umi hénte ndohejaséiva ñane puvlikasionkuéra péro oikeséva ñande sítio oĩvape Internétpe, upévare ñameʼẽ vaʼerã chupekuéra pe tarhéta. Péro anínte jaheja umi tarhéta umi noñatendeporãivape ñanderehe.

Ikatu hag̃uáicha ñane kompañerokuéra de traváho, de koléhio térã umi hénte oĩva ñande jaikohárupi oñeinteresa pe predikasiónre, ikatu jaʼe: “Ameʼẽséngo ndéve ko tarhéta. Koʼápe ohechauka peteĩ sítio oĩva Internétpe, upépe retopáta heta informasión oñeguenohẽva la Bíbliagui ha avei vidéo oñeʼẽva heta téma iñinteresántevare ha umíva ikatu remboguejy gratiete” (Jn 4:7). Umi tarhéta ningo michĩ porã, upévare jarahákena siémpre ñasẽ jave ikatu hag̃uáicha ñameʼẽ la héntepe oñepresentáramo ñandéve peteĩ oportunida japredika hag̃ua.