Jesús omombeʼu vaʼekue “umi notísia porã oñeʼẽva Ñandejára Rréinore” (Lu 4:43). Avei omboʼe umi héntepe ojerure hag̃ua upe Rréinore iñemboʼépe (Mt 6:9, 10). Noviémbrepe jajapóta ikatúva guive ñañeʼẽ hag̃ua Ñandejára Rréinore (Mt 24:14). Ñañehaʼãmbaitékena ñamboyke ñane tiémpo ikatu hag̃uáicha japartisipa ko kampáña espesiálpe. Umi oservíva kómo prekursór auxiliár noviémbrepe, ikatúta odesidi ojaposéramo 30 térã 50 óra.

Ko kampáña aja hiʼãiterei jalee peteĩ téxto oñeʼẽva Ñandejára Rréinore opa ikatúvape ñande territóriope. Jaiporavo jave mbaʼe téxtopa jaleéta, iporãta jarekóramo enkuénta mbaʼépa oguerovia umi hénte ñande territoriopegua. Pe primera konversasiónpe jatopáramo umi oñeinteresáva, jaheja vaʼerã chupe rrevísta Ñemañaha número 2 de 2020. Upéi ñañehaʼã ñañeʼẽ jey upe persónandi ótra okasiónpe, péro ndajahejái vaʼerã ohasaiterei tiémpo upearã. Ko vuéltape ñañehaʼãma vaʼerã ñamoñepyrũ peteĩ estúdio jaipurúvo peteĩ puvlikasión jarekóva pe kit de enseñánzape. Saʼíma ningo ofalta Ñandejára Rréino ohundi hag̃ua entéro umi goviérno oĩvape ko yvy ape ári (Da 2:44; 1Co 15:24, 25). Upévare, jareko reheve tiémpo jaaprovecha vaʼerã ko oportunida ñaneñeʼẽrendu hag̃ua Jehovápe ha Irréinope.