Ñande ningo jarregase umi semílla ñañotỹ vaʼekue (1Co 3:6). Jatopáramo peteĩ persóna ñanerendu porãva predikasiónpe, iporã jaheja peteĩ porandu ñambohovái hag̃ua chupe ótro jahávape. Upéicharõmante pe persóna ohaʼarõtama voi hína jaha ñambohovái chupe upe pregúnta. Avei jaikuaa rupi mbaʼérehepa ñañeʼẽta pe persónandi, ifasilvéta ñandéve jajeprepara hag̃ua jajapóta jave ñande rrevisíta. Jaha jey vove ikatúntema jaʼe chupe: “Aju ningo hína ambohovái hag̃ua ndéve pe pregúnta la ves pasáda guare”.

• Eprepara vove peteĩ presentasión predikasiónpe g̃uarã, epensáma vaʼerã mbaʼe porandúpa rehejáta reho jey hag̃ua revisita pe ogajárape. Ikatu voi reiporavo peteĩ pregúnta oñembohováiva pe puvlikasión reikuaveʼẽtavape upe díape. Ikatu avei reiporavo peteĩ porandu oĩva umi puvlikasión jaipurúvape ñambostudia hag̃ua la héntepe, ha ótro ehóvape ehechauka chupe upe puvlikasión.

• Eñemongetapa rire peteĩ persónandi predikasiónpe, ikatu ere chupe ehose jeyha ótro día peñemongetave hag̃ua. Upéi eheja peteĩ porandu ekontesta hag̃ua chupe ótro ehóvape. Opyta porãramo, ejerurekuaa avei chupe inúmero de teléfono.

• Eréramo pe ogajárape mbaʼe día ha mbaʼe órapa reho jeýta, ekumpli vaʼerã ne ñeʼẽ (Mt 5:37).