Purahéi 114 ha ñemboʼe

Ojeʼétava oñepyrũ hag̃ua pe rreunión (3 min. térã saʼive)

“Ñañehaʼãmante vaʼerã jaservi hag̃ua Jehovápe ñande pyʼaite guive” (10 min.):

• 2Cr 29:10-17. Ezequías pyʼaguasúpe oipytyvõ umi isrraelítape omombaʼeguasu jey hag̃ua Jehovápe.

• 2Cr 30:5, 6, 10-12. Ezequías oinvita umi isrraelíta ipyʼaporãvape oñerreuni hag̃ua Jerusalénpe omombaʼeguasu hag̃ua Jehovápe.

• 2Cr 32:25, 26. Ezequías iñumílde, upéicha rupi ndoúi vaʼekue oñemombaʼeguasu (w05-S 15/10 páh. 25 párr. 20).

Mbaʼépa ñaaprende Ñandejára Ñeʼẽgui (8 min.):

• 2Cr 29:11. ¿Mbaʼéichapa ñanepytyvõ Ezequías ehémplo jahechakuaa hag̃ua mbaʼépa pe iñimportantevéva ha ñamotenonde hag̃ua upéva? (w13 15/11 páh. 17 párr. 6, 7).

• 2Cr 32:7, 8. ¿Mbaʼépa jajapo vaʼerã koʼág̃a ikatu hag̃uáicha ñaime preparádo jagueropuʼaka hag̃ua umi situasión ijetuʼuetéva oútava? (w13 15/11 páh. 20 párr. 17).

• ¿Mbaʼépa chemboʼe Jehovágui umi kapítulo alee vaʼekue ko semánape?

• ¿Mbaʼe téxtopa ajuhu ko semánape ideprovéchotava chéve predikasiónpe?

Jalee hag̃ua la Biblia: 2Cr 31:1-10 (4 min. térã saʼive)

Japrepara umi presentasión jaipurútava ko méspe (15 min.): Ejapo peteĩ diskúrsoicha ha eporandu mimi oñekomenta hag̃ua. Ehechauka pe primer vidéo hérava Mbaʼéichapa ikatu ñapresenta Ñemañaha ha erresalta umi párte iñimportantevéva. Emombeʼu mbaʼépa ojapo pe ermána ikatu hag̃uáicha ovisita jey pe persónape. Upéi emoĩ umi ótro vidéo ohechaukáva mbaʼéichapa ikatu avei ñapresenta Ñemañaha ha folléto Notísia Porã, ha ejapo jey ejapo haguéicha ojehecha rire pe primer vidéo. Emombeʼu mbykymi mbaʼépa heʼi pe artíkulo: “Mbaʼéichapa ikatu reipuru folléto Notísia porã rejapo hag̃ua estúdio”. Emokyreʼỹ enterovépe oprepara hag̃ua ipresentasión ha oanota hag̃ua heʼihápe “Eprepara peteĩ presentasión”.

Purahéi 127

“Tuicha priviléhio ñaipytyvõ oñemopuʼã ha oñeñangareko hag̃ua umi lugár jaipurúvare ñamombaʼeguasu hag̃ua Jehovápe” (15 min.): Ejapo peteĩ diskúrsoicha ha eporandu mimi oñekomenta hag̃ua. Ejerure umi oipytyvõ vaʼekuépe oñemopuʼã hag̃ua peteĩ Salón tomombeʼu mbaʼéichapa oñeñandu ombaʼapórõ guare umi ermánondi. Eporandu pe ermáno omoakãvape limpiésa ha mantenimiénto kongregasiónpe, mbaʼe mbaʼépa ojejapo pe Salón siémpre ipotĩ ha ani hag̃ua oñembyaipa.

Ñaaprendeve Ñandejára Ñeʼẽgui: ia kap. 6 párr. 1-14 (30 min.)

Emombeʼu mbaʼépa ñaaprende ko rreuniónpe ha mbaʼépa ñaaprendéta pe semána oúvape (3 min.)

Purahéi 142 ha ñemboʼe

Nóta: Oñembopu raẽ vaʼerã una ves pe músika kompletoite ha upéi oñembopu jey vaʼerã ikatu hag̃uáicha ojepurahéi.