Jaikókena Jehová léi heʼiháicha
Jaiko Jehová léi heʼiháicha heʼise ñañemoĩ vaʼerãha ipoguýpe ha jajapo opa mbaʼe ojeruréva ñandéve. La Bíbliape oñeñeʼẽ heta persóna oiko vaʼekuére Jehová léi heʼiháicha ha ojerovia vaʼekue hese. Ha umíva apytépe oĩ avei pe salmísta.
Ikatu hag̃uáicha javyʼa añete, jaiko vaʼerã Jehová léi heʼiháicha
Josué ohechauka vaʼekue ojeroviaitereiha Jehová heʼívare. Haʼe oikuaa porã vaʼekue ojerovia vaʼerãha Jehováre ipyʼaite guive ikatu hag̃uáicha ovyʼa añete ha osẽ porã chupe opa mbaʼe.
Ñandejára Ñeʼẽ ñanembopyʼaguasu ha ñanepytyvõ jagueropuʼaka hag̃ua umi mbaʼe jahasáva
Jeremías ohechauka vaʼekue ipyʼaguasu ha ojeroviaha Jehováre ohasárõ guare heta mbaʼe ijetuʼúva. Haʼe oiko vaʼekue sensillomínte ha ndohejái vaʼekue mbaʼeve ojoko chupe osegi hag̃ua ojapo Jehová omanda vaʼekue chupe.
Jaikuaa porã rupi la Biblia omboʼéva, ñandepyʼaguasu japredika hag̃ua
Apóstol Pablo ndokyhyjéi vaʼekue opredika hag̃ua oimeraẽvape. Por ehémplo, pyʼaguasúpe opredika vaʼekue pe governadór Félixpe oikuaágui Jehová oipytyvõha chupe.
¿Mávape ha mbaʼeichahápepa ijetuʼu chéve apredika hag̃ua?
-
Koléhiope
-
Che travahohápe
-
Che hentekuérape
-
Ótrope